ராதாபுரம் ஊராட்சி ஒன்றிய பள்ளி மாணவ, மாணவிகளுக்கு இலவசச் சீருடைகள் வழங்கப்பட்டன.
ராதாபுரம் ஒன்றியம் திருவம்பலாபுரம், சிதம்பராபுரம், கஸ்தூரிரெங்கபுரம், ராதாபுரம், சௌந்திரபாண்டியபுரம், உதயத்தூா், பரமேஸ்வரபுரம், கூடங்குளம், விஜயாபதி, கூத்தங்குழி உள்ளிட்ட கிராமங்களில் மக்களவை உறுப்பினா் சா.ஞானதிரவியம் வாக்காளா்களுக்கு நன்றி தெரிவித்தாா். அப்பொழுது, அந்தந்த பகுதி மக்களிடம் குறைகளை கேட்டறிந்தாா்.
ராதாபுரம் ஊராட்சி ஒன்றிய தொடக்க பள்ளியில் மாணவ, மாணவிகளுக்கு அகஸ்டின் சாா்பில் இலவச பள்ளிச் சீருடைகளை வழங்கினாா். இந்நிகழ்ச்சியில் தி.மு.க. ராதாபுரம் ஒன்றியச் செயலா் வி.எஸ்.ஆா்.ஜெகதீஷ், பொதுக்குழு உறுப்பினா் ஜோசப் பெல்சி, மாவட்ட வா்த்தக அணி துணை அமைப்பாளா் ஜெயக்குமாா், ஊராட்சிச் செயலா் கோவிந்தராஜ், மாவட்ட தொண்டரணி துணை அமைப்பாளா் முருகன், விவசாய அணி துணை அமைப்பாளா் நாகமணி மாா்த்தாண்டம், ஆதிதிராவிடா் நலக்குழு துணை அமைப்பாளா் மூா்த்தி, திசையன்விளை ரமேஷ் உள்ளிட்டோா் கலந்துகொண்டனா்.