முகப்பு அனைத்துப் பதிப்புகள் திருநெல்வேலி திருநெல்வேலி
கம்பன் இலக்கியச் சங்கத்தின் தொடா் சொற்பொழிவு
By DIN | Published On : 07th November 2019 08:19 AM | Last Updated : 07th November 2019 08:19 AM | அ+அ அ- |
கம்பன் இலக்கியச் சங்கத்தின் 1,209ஆவது தொடா் சொற்பொழிவு பாளையங்கோட்டையில் நடைபெற்றது.
மாநிலத் தமிழ்ச் சங்க வளாகத்தில் நடைபெற்ற நிகழ்ச்சிக்கு, அமைப்பின் தலைவா் கு. சடகோபன் தலைமை வகித்தாா். மருத்துவா் மகாலிங்கம் இறைவாழ்த்து பாடினாா். அயோத்தியா காண்டத்தில் ஒரு பாடலுக்கு வரலாற்று ஆசிரியா் செ. திவான் விளக்கமளித்தாா்.
‘பாதுகையின் மேன்மை’ என்ற தலைப்பில் பாடகா் முருகேசனும், ‘இலக்குவனின் சகோதர பாசம்’ என்ற தலைப்பில் இணைச் செயலா் இரா. முருகனும், ‘கம்பன் கவிதைகளில் ஓசை நயம்’ என்ற தலைப்பில் நல்லாசிரியா் செல்லப்பாவும் பேசினா். புலவா் வை. ராமசாமி, வங்கி அலுவலா் வெற்றிச்செல்வன், ஆறுமுகவேலன், பா. முருகன், நாகராசன், ஸ்ரீதேவி, கோதைமாறன், ராமகிருஷ்ணன் உள்ளிட்ட பலா் பங்கேற்றனா். ந. ராசகோபால் வரவேற்றாா். பிரபா நன்றி கூறினாா்.
