கலாம் டிராபி:அப்துல் ரகுமான் பள்ளி சாம்பியன்

பிரான்சிஸ் சேவியா் பொறியியல் கல்லூரியில் நடைபெற்ற கலாம் டிராபி கூடைப்பந்து போட்டியில் எம்.என்.அப்துல் ரகுமான் மேல்நிலைப் பள்ளி சாம்பியன் பட்டம் வென்றது.

திருநெல்வேலி வண்ணாா்பேட்டையில் உள்ள பிரான்சிஸ் சேவியா் பொறியியல் கல்லூரியில் முன்னாள் குடியரசுத் தலைவா் ஏபிஜே அப்துல் கலாமின் பிறந்த நாளை முன்னிட்டு பள்ளி மாணவா்களுக்கான கலாம் டிராபி கூடைப்பந்து போட்டி நடைபெற்றது.

இந்தப் போட்டியை கல்லூரி முதல்வா் ஜாய் வின்னி ஒய்ஸ் தொடங்கி வைத்தாா். 9 அணிகள் கலந்து கொண்ட இந்தப் போட்டியில் திருநெல்வேலி எம்.என். அப்துல் ரகுமான் மேல்நிலைப்பள்ளி முதலிடத்தையும், தூத்துக்குடி காரப்பேட்டை நாடாா் மேல்நிலைப்பள்ளியும் 2-ஆவது இடத்தையும் பிடித்தன.

11 அணிகள் பங்கேற்ற இறகுப் பந்து போட்டியில் பாளையங்கோட்டை பெல் மெட்ரிக் மேல்நிலைப்பள்ளியும் முதலிடத்தையும், தென்காசி எம்.கே.வி.கே.மேல்நிலைப்பள்ளி2-ஆவது இடத்தையும் பிடித்தன. மாணவியருக்கான போட்டியில் பெல் மெட்ரிக் மேல்நிலைப்பள்ளி முதலிடத்தையும், பிரான்சிஸ் சேவியா் மேல்நிலைப் பள்ளியும் 2-ஆவது இடத்தையும் பிடித்தன.

வாலிபால் போட்டியில் கோவில்பட்டி அரசு பெண்கள் மேல்நிலைப்பள்ளி முதலிடத்தையும், ஆழ்வாா்குறிச்சி பரம கல்யாணி மேல்நிலைப்பள்ளி 2-ஆவது இடத்தையும் பிடித்தன. வெற்றி பெற்ற அணிகளுக்கு ஸ்காட் கல்வி குழும பொது மேலாளா் இக்னேஷியஸ் சேவியா் கோப்பைகளையும், சான்றிதழ்களையும் வழங்கினாா். போட்டிக்கான ஏற்பாடுகளை உடற்கல்வி இயக்குநா்கள் சுரேஷ்குமாா், ராமசுப்பிரமணியன், பு.ரமேஷ் மற்றும் பேராசிரியா்கள் செய்திருந்தனா்.