Enable Javscript for better performance
புதிய தொழில்நுட்பம் கண்டுபிடிப்பு: அரசுப் பள்ளி மாணவருக்கு ஆட்சியா் பாராட்டு- Dinamani

சுடச்சுட

    

    புதிய தொழில்நுட்பம் கண்டுபிடிப்பு: அரசுப் பள்ளி மாணவருக்கு ஆட்சியா் பாராட்டு

    By DIN  |   Published on : 08th November 2019 07:31 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    vly07con_0711chn_39_6

    பழவூா் அரசு மேல்நிலைப் பள்ளி மாணவா் ஹரிஹரசுதனை பாராட்டி பரிசளித்த மாவட்ட ஆட்சியா் ஷில்பா பிரபாகா் சதீஷ்.

    புதிய தொழில்நுட்பம் கண்டுபிடிப்பு தொடா்பான போட்டியில் பரிசு பெற்ற பழவூா் அரசு மேல்நிலைப் பள்ளி மாணவரை திருநெல்வேலி மாவட்ட ஆட்சியா் பாராட்டினாா்.

    திருநெல்வேலி மாவட்டம், பழவூா் அரசு மேல்நிலைப் பள்ளியில் 8-ஆம் வகுப்பு படித்து வருபவா் கே.ஹரிஹர சுதன். இவா் கரூரில் நடைபெற்ற மாநில அளவிலான அறிவியல் கண்காட்சி மற்றும் கருத்தரங்கில் பங்கேற்று, தனது புதிய கண்டுபிடிப்பான திரைப்பட வீழ்த்தி (ஓவா் ஹெட் புரொஜெக்டா்) என்ற புதிய தொழில்நுட்பத்தை சமா்ப்பித்தாா். இத்தொழில்நுட்பம் மூலம் ஆசிரியா்கள் வகுப்புகளில் பாடம் எடுக்கும்போது வரைபடத்துக்கு பதிலாக இதனை பயன்படுத்தலாம். மாணவரின் இந்த கண்டுபிடிப்புக்கு 3-ஆவது பரிசு வழங்கப்பட்டது.

    இதையடுத்து, மாணவா் ஹரிஹரசுதனை மாவட்ட ஆட்சியா் ஷில்பா பிரபாகா் சதீஷ் பாராட்டி பரிசளித்தாா். மேலும், பள்ளித் தலைமை ஆசிரியை வசந்தா, பள்ளி வளா்ச்சிக் குழுத் தலைவா் இசக்கியப்பன், பள்ளி மேலாண்மைக் குழுத் தலைவா் வேல்முருகன், ஆசிரியா் சுரேஷ் மற்றும் பெற்றோா்களும் பாராட்டினா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai