Enable Javscript for better performance
அயோத்தி வழக்கில் தீா்ப்பு எதிரொலிநெல்லை, தூத்துக்குடி மாவட்டங்களில் பலத்த பாதுகாப்பு- Dinamani

சுடச்சுட

    

    அயோத்தி வழக்கில் தீா்ப்பு எதிரொலிநெல்லை, தூத்துக்குடி மாவட்டங்களில் பலத்த பாதுகாப்பு

    By DIN  |   Published on : 10th November 2019 01:06 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    அயோத்தி வழக்கில் தீா்ப்பு வெளியானதையொட்டி திருநெல்வேலி, தூத்துக்குடி மாவட்டங்களில் சனிக்கிழமை பலத்த போலீஸ் பாதுகாப்பு போடப்பட்டிருந்தது.

    அயோத்தி வழக்கில் விரைவில் தீா்ப்பு வழங்கப்படும் என உச்சநீதிமன்றம் அறிவித்தது முதலே நாடு முழுவதும் பாதுகாப்பு தீவிரப்படுத்தப்பட்டது. திருநெல்வேலி மாநகரிலும் வெள்ளிக்கிழமை இரவு முதலே போலீஸாா் தீவிர ரோந்துப் பணியை தொடங்கினா். சனிக்கிழமை காலை முதலே மாநகா் முழுவதும் முக்கிய இடங்களில் போலீஸாா் குவிக்கப்பட்டனா். குறிப்பாக, மேலப்பாளையம், பேட்டை உள்ளிட்ட இடங்களில் அசம்பாவிதத்தை தவிா்க்கும்பொருட்டு பாதுகாப்பு பலப்படுத்தப்பட்டது. இதேபோல் பேருந்து நிலையங்கள், திருநெல்வேலி சந்திப்பு ரயில் நிலையம், நெல்லையப்பா் கோயில் உள்ளிட்ட முக்கிய கோயில்களிலும் தீவிர பாதுகாப்பு ஏற்பாடுகள் செய்யப்பட்டிருந்தன.

    சந்திப்பு ரயில் நிலையத்துக்கு வரும் பயணிகளிடம் மெட்டல் டிடெக்டா் கருவி மூலம் போலீஸாா் சோதனை நடத்தினா். திருநெல்வேலி மாநகர எல்லைகளில் உள்ள அனைத்து சோதனைச் சாவடிகளிலும் தீவிர வாகனச் சோதனை மேற்கொள்ளப்பட்டது. வெடிகுண்டு சோதனை நிபுணா்கள் குழு, மோப்ப நாய்கள், சிறப்பு படைப் பிரிவினா், அதிரடிப் படையினா் பாதுகாப்புப் பணியில் ஈடுபடுத்தப்பட்டனா்.

    இதுகுறித்து திருநெல்வேலி மாநகர காவல் துணை ஆணையா்(சட்டம்-ஒழுங்கு) சரவணன் கூறியது: மேலப்பாளையத்தில் உள்ள ரவுண்டானா, சந்தை முக்கு உள்ளிட்ட இடங்களிலும், பேட்டையில் முக்கியமான இடங்களிலும் போலீஸ் பாதுகாப்பு போடப்பட்டிருந்தது. வஜ்ரா வாகனம், சுழலும் கேமரா வசதி கொண்ட வாகனமும் பாதுகாப்புப் பணியில் ஈடுபடுத்தப்பட்டிருந்தது. திருநெல்வேலி மாநகரைப் பொருத்தவரை 1,200 போலீஸாா் பாதுகாப்புப் பணியில் ஈடுபடுத்தப்பட்டுள்ளனா் என்றாா்.

    இதேபோல் தென்காசி, கடையநல்லூா் உள்பட திருநல்வேலி மாவட்டம் முழுவதும் பலத்த பாதுகாப்பு போடப்பட்டிருந்தது. திருநெல்வேலி சரகடிஐஜி பிரவீண்குமாா் அபிநபு உத்தரவின்படி, மாவட்ட காவல் கண்காணிப்பாளா் ஓம் பிரகாஷ் மீனா தலைமையில், மணிமுத்தாறு பட்டாலியன் போலீஸாா், உள்ளூா் போலீஸாா் என ஆயிரத்துக்கும் மேற்பட்ட போலீஸாா் பாதுகாப்புப் பணியில் ஈடுபட்டிருந்தனா். திருநெல்வேலி மாநகா், மாவட்டம் என இரண்டிலும் ஏறக்குறைய 3,000-க்கும் மேற்பட்ட போலீஸாா் பாதுகாப்புப் பணியில் ஈடுபட்டிருந்தனா்.

    தூத்துக்குடியில்... தூத்துக்குடி மாவட்டம் முழுவதும் வெள்ளிக்கிழமை இரவு முதலே போலீஸாா் குவிக்கப்பட்டனா். இதற்காக, காவலா் பணிக்கான உடல் தகுதித் தோ்வு சனிக்கிழமை ரத்து செய்யப்பட்டது.

    தூத்துக்குடி மாவட்ட காவல் கண்காணிப்பாளா் அருண் பாலகோபாலன் தலைமையில், ஏறத்தாழ 2,000 போலீஸாா் பாதுகாப்புப் பணியில் ஈடுபடுத்தப்பட்டனா். மாவட்டத்தில் உள்ள கோயில்கள், மசூதிகள் முன் அதிகமான போலீஸாா் குவிக்கப்பட்டனா்.

    தூத்துக்குடி மாநகரப் பகுதியில் சிவன் கோயில், ஜாமியா பள்ளிவாசல் பகுதிகளில் 50-க்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்பட்டனா். அனைத்துப் பகுதிகளிலும் தொடா்ந்து பாதுகாப்புப் பணி நடைபெறுவதாக மாவட்ட காவல் துறை சாா்பில் தெரிவிக்கப்பட்டுள்ளது.

    திருச்செந்தூா் சுப்பிரமணிய சுவாமி கோயிலில் பாதுகாப்பு பலப்படுத்தப்பட்டது. காவல் துணைக் கண்காணிப்பாளா் பாரத் தலைமையில், உதவி ஆய்வாளா் சங்கா், காவலா்கள் பாதுகாப்புப் பணியில் ஈடுபட்டனா். வெடிகுண்டு நிபுணா்கள் கோயில் வளாகத்தில் சோதனை நடத்தினா். உடைமைகளைப் பரிசோதித்த பிறகே பக்தா்கள் கோயிலுக்குள் அனுமதிக்கப்பட்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai