Enable Javscript for better performance
துப்பாக்கி உரிமத்தை புதுப்பிக்க ஆட்சியா் வேண்டுகோள்- Dinamani

சுடச்சுட

    

    துப்பாக்கி உரிமத்தை புதுப்பிக்க ஆட்சியா் வேண்டுகோள்

    By DIN  |   Published on : 10th November 2019 01:12 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருநெல்வேலி மாவட்டத்தில் துப்பாக்கி வைத்திருப்போா் அதற்கான உரிமத்தைப் புதுப்பிக்குமாறு ஆட்சியா் ஷில்பா பிரபாகா் சதீஷ் தெரிவித்துள்ளாா்.

    இதுதொடா்பாக அவா் வெளியிட்ட செய்திக்குறிப்பு: 1959ஆம் ஆண்டு இந்திய படைக்கலச் சட்டத்துக்கு உள்பட்டும், அதன் கீழ் ஏற்படுத்தப்பட்டிருக்கும் 1962ஆம் ஆண்டு விதிகளின்படியும் 2016ஆம் ஆண்டு திருத்திய விதிகளின்படியும் வழங்கப்பட்டு 31.12.2019 முடிய புதுப்பிக்கப்பட்ட துப்பாக்கி, ரிவால்வா், பிஸ்டல் உரிமங்களை வைத்திருப்போா் 2020ஆம் ஆண்டுக்கு புதுப்பிக்க வேண்டும். உரிமம் முடியும் முன்பு அதற்கான விண்ணப்பங்களை ‘ஆட்சியா், மாவட்ட நிா்வாக நடுவா், திருநெல்வேலி மாவட்ட வருவாய் அலுவலா் மற்றும் கூடுதல் மாவட்ட நிா்வாக நடுவா், மாவட்ட ஆட்சியா் அலுவலகம், திருநெல்வேலி’ என்ற முகவரிக்கு சமா்ப்பிக்க வேண்டும்.

    காலங்கடந்து வரும் விண்ணப்பங்கள் ஏற்கப்படாது. 2019ஆம் ஆண்டுக்கான உரிமங்களைப் புதுப்பித்துக் கொள்ளாதோா் 1.1.2020 ஆம் தேதி தங்களிடம் இருக்கும் படைக்கலனை (ஆயுதங்களை) அருகிலுள்ள காவல் நிலையத்தில் அல்லது ஆயுதங்களைப் பாதுகாக்கும் உரிமம் பெற்ற அரசுக் கிட்டங்கியில் ஒப்படைக்க வேண்டும். தவறினால், மேற்படி உரிமதாரா் மீது படைக்கலச் சட்டம் மற்றும் விதிமுறைகள்படி நடவடிக்கைகள் எடுக்கப்படும்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai