தென்காசி: உள்ளாட்சித் தோ்தலில் போட்டியிட விரும்பும் திமுகவினா், திருநெல்வேலி மேற்கு மாவட்ட திமுக அலுவலகத்தில் விண்ணப்பப் படிவங்களை பெற்று பூா்த்திசெய்து வழங்குமாறு திமுக மாவட்ட பொறுப்பாளா் பொ.சிவபத்மநாதன் கேட்டுக் கொண்டுள்ளாா்.
இதுகுறித்து அவா் வெளியிட்ட அறிக்கை: வருகின்ற உள்ளாட்சித் தோ்தலில் போட்டியிட விரும்பும் திமுகவினா் உரிய விண்ணப்பப் படிவத்தை மாவட்ட கழக அலுவலகத்திலிருந்து பெற்று தாம் போட்டியிட விரும்பும் பொறுப்பு மற்றும் தம்மைப் பற்றிய விவரங்களை அந்தப் படிவத்தில் குறிப்பிட்டு வரும் 14. 11. 2019 முதல் 20. 11 .2019 வரை மாவட்ட கழக அலுவலகத்திலோ அல்லது தலைமைக் கழகத்திலோ உரிய கட்டணத்துடன் வழங்குமாறு கேட்டுக்கொள்கிறேன்.
நகா்மன்றத் தலைவா் பதவிக்கு போட்டியிட ரூ. 25 ஆயிரம், நகா்மன்ற உறுப்பினா் பதவிக்கு ரூ. 5ஆயிரம், பேரூராட்சி மன்றத் தலைவருக்கு ரூ. 10ஆயிரம், பேரூராட்சி மன்ற உறுப்பினருக்கு ரூ. 2ஆயிரத்து 500, மாவட்ட ஊராட்சி குழு உறுப்பினருக்கு ரூ. 10 ஆயிரம், ஊராட்சி ஒன்றியக் குழு உறுப்பினருக்கு ரூ. 5 ஆயிரம், ஆதிதிராவிடா் மற்றும் பெண்களுக்காக ஒதுக்கப்பட்டுள்ள தொகுதியில் போட்டியிடுபவா்கள் மேற்படி கட்டணத்தில் பாதி தொகை மட்டுமே கட்டினால் போதுமானது.
போட்டியிட விரும்பும் திமுகவினா் அதற்கு உரிய விண்ணப்பப் படிவத்தை ரூ. 10 செலுத்தி மாவட்ட அலுவலகத்தில் பெற்று பூா்த்தி செய்த விண்ணப்பத்தை உரிய கட்டணத்துடன் மாவட்ட அலுவலகம் அல்லது தலைமைக் கழகத்தில் ஒப்படைக்க வேண்டும் என்றாா் அவா்.