ஐஐபிஇ லட்சுமிராமன் பள்ளியில் குழந்தைகள் தின விழா

பாளையங்கோட்டையை அடுத்த உத்தமபாண்டியன் குளத்தில் உள்ள ஐஐபிஇ லட்சுமிராமன் பள்ளியில் மாணவா் தனித்திறன் போட்டி மற்றும் குழந்தைகள் தின விழா நடைபெற்றது.

விழாவுக்கு, லெட்சுமிராமன் அறக்கட்டளை நிா்வாகிகள் ராஜேஸ்வரி, ஹேமலதா ஆகியோா் தலைமை வகித்தனா். பள்ளி முதல்வா் சி.இந்துமதி, துணை முதல்வா் ஆா்.சாந்தி, தலைமை ஆசிரியை டி.லலிதாம்பாள், உதவி தலைமை ஆசிரியை வி.சூரியகலா ஆகியோா் முன்னிலை வகித்தனா். மாணவி எஸ்.மகேஸ்வரி வரவேற்றாா்.

திருநெல்வேலி அரசு மருத்துவக் கல்லூரி மருத்துவமனையின் மகப்பேறு மருத்துவா் ஆா்.தமிழ்கோதை கலந்து கொண்டு பேசினாா்.

பள்ளி மாணவா்களுக்கு ஓவியப்போட்டி, கட்டுரைப்போட்டி, திருக்கு ஒப்புவித்தல் போட்டி, மாறுவேடப் போட்டி, விநாடி வினா, நடனப் போட்டி ஆகியவை நடத்தப்பட்டன. அதில் வெற்றி பெற்றவா்களுக்கு பரிசுகள் வழங்கப்பட்டன. மாணவா் எஸ்.பாலகுமாா் நன்றி கூறினாா்.