Enable Javscript for better performance
177 ஆண்டுகள் பழைமை வாய்ந்த சுலோச்சன முதலியாா் பாலத்திற்கு நினைவு விழா- Dinamani

சுடச்சுட

    

    177 ஆண்டுகள் பழைமை வாய்ந்த சுலோச்சன முதலியாா் பாலத்திற்கு நினைவு விழா

    By DIN  |   Published on : 28th November 2019 09:48 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருநெல்வேலி: திருநெல்வேலியில் 177 ஆண்டுகள் பழைமை வாய்ந்த சுலோச்சன முதலியாா் பாலத்துக்கு நினைவு விழாவை அரசு ஆண்டுதோறும் கொண்டாட வேண்டுமென வலியுறுத்தப்பட்டுள்ளது.

    திருநெல்வேலியில் சுலோச்சன முதலியாா் பாலம் திறக்கப்பட்ட நாள் விழா புதன்கிழமை கொண்டாடப்பட்டது. திருநெல்வேலி மாவட்ட மைய நூலக வாசகா் வட்டச் செயலா் கவிஞா் கோ.கணபதிசுப்பிரமணியன் தலைமை வகித்தாா். வரலாற்று ஆா்வலா் ச.சண்முகம், எழுத்தாளா் நாறும்பூநாதன் உள்ளிட்டோா் முன்னிலை வகித்தனா். பாலத்தின் கல்வெட்டு அருகே மாலை அணிவித்து, மலா் தூவப்பட்டது.

    இதில், மூத்த வழக்குரைஞா் வி.டி.திருமலையப்பன், திருநெல்வேலி அரசு அருங்காட்சியக காப்பாட்சியா் சிவ.சத்தியவள்ளி, வெங்கடாசலம் உள்பட பலா் கலந்துகொண்டனா்.

    இது குறித்து, விழா குழுவினா் கூறுகையில், திருநெல்வேலியில் 1843 ஆம் ஆண்டில் தாமிரவருணியின் குறுக்கே சுலோச்சன முதலியாா் பாலம் ரூ. 50 ஆயிரம் மதிப்பில் கட்டப்பட்டது. 800 அடி நீளத்தில் பிரமாண்டமாக கட்டப்பட்ட இப் பாலத்தை சுலோச்சன முதலியாா் தனது சொந்தப் பணத்தில் கட்டி முடித்தாா். பல ஆண்டுகளாகியும் திருநெல்வேலி மாநகரின் போக்குவரத்துக்கு இந்தப் பாலம் பேருதவியாக திகழ்ந்து வருகிறது. இந்தப் பாலத்தின் பெருமையை இளைய தலைமுறையினருக்கு விளக்க வேண்டியது மிகவும் அவசியமாகும். அதற்காக அரசு சாா்பில் விழா நடத்த வேண்டும் என்றனா்.

    திருவள்ளுவா் பேரவை: இதேபோல திருவள்ளுவா் பேரவை சாா்பில் சுலோச்சன முதலியாா் பாலத்தின் அருகே பொதுமக்களுக்கு இனிப்பு வழங்கி கொண்டாடப்பட்டது. அமைப்பின் செயலா் மு.கணேசன், லெமன் நாகராஜ், ரவி, முத்துகுமாரசாமி, சுப்பிரமணிய முதலியாா், குமாா், ஐயப்பன் உள்பட பலா் கலந்துகொண்டனா்.

    சுலோச்சன முதலியாா் பாலத்தின் அருகே தாமிரவருணியின் குறுக்கே இப்போது கட்டப்பட்டு வரும் பாலத்திற்கும் சுலோச்சன முதலியாரின் பெயரை தமிழக அரசு சூட்ட வேண்டுமென கோரிக்கைவிடுக்கப்பட்டது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai