மக்கள் நலனில் அக்கறையில்லாத காங்கிரஸை புறக்கணியுங்கள்: அமைச்சா் உதயகுமாா் பிரசாரம்

மக்கள் நலனில் அக்கறையில்லாமல் சுயநலத்துடன் செயல்பட்டு இடைத்தோ்தலை உருவாக்கியுள்ள காங்கிரஸ் கட்சியை புறக்கணித்துவிட்டு அதிமுகவை வெற்றி பெறச் செய்யுங்கள் என்றாா் தமிழக வருவாய்த் துறை அமைச்சா் ஆா்.பி.உதயகுமாா்.

நான்குனேரி சட்டப்பேரவைத் தொகுதி இடைத்தோ்தலில் அதிமுக சாா்பில் போட்டியிடும் வெ.நாராயணனுக்கு ஆதரவாக கீழநத்தம் ஊராட்சிக்குள்பட்ட மேலகுளத்தில் ஞாயிற்றுக்கிழமை வாக்கு சேகரித்தபோது அவா் பேசியது: தமிழக பெண்கள் முன்னாள் முதல்வா் ஜெயலலிதா மீது அலாதியான பற்று கொண்டவா்கள். அவா் கொண்டுவந்த அனைத்து கனவுத் திட்டங்களையும் முதல்வா் எடப்பாடி கே.பழனிசாமி தலைமையிலான அரசு நிறைவேற்றி வருகிறது. எதிா்க்கட்சிகளின் அனைத்து அவதூறு பேச்சுகளையும் புறந்தள்ளிவிட்டு பாட்டாளி மக்களின் தோழனாக முதல்வா் செயல்பட்டு வருகிறாா்.

கடந்த சட்டப்பேரவைத் தோ்தலின்போது நான்குனேரி தொகுதி மக்கள் 5 ஆண்டுகள் பணி செய்வதற்காக ஹெச்.வசந்தகுமாரை தோ்ந்தெடுத்தனா். ஆனால், மக்கள் நலனில் சிறிதும் அக்கறையில்லாமல் சுயநலத்துடன் செயல்பட்டு இத்தொகுதிக்கு இடைதோ்தலை உருவாக்கியுள்ள காங்கிரஸ் கட்சியை மக்கள் புறக்கணிக்க வேண்டும். சாதாரண ஏழைத் தொண்டரை களமிறக்கியுள்ள அதிமுகவுக்கு இரட்டை இலை சின்னத்தில் வாக்களித்து வெற்றியைப் பரிசளிக்க வேண்டும். காங்கிரஸ் கட்சியின் இறக்குமதி வேட்பாளரை மக்கள் சந்திக்க இயலாது. ஆகவே, இத்தொகுதியின் மண்ணின் மைந்தரான வெ.நாராயணனுக்கு வாக்களிக்க வேண்டும் என்றாா் அவா்.

சோழவந்தான் சட்டப்பேரவைத் தொகுதி உறுப்பினா் மாணிக்கம், மதுரை தெற்கு சட்டப்பேரவைத் தொகுதி உறுப்பினா் ஜெ.ஆா்.சரவணன், முன்னாள் எம்.எல்.ஏ.க்கள் தவசி பாண்டியம்மாள், மதுரை மாவட்ட இணைச் செயலா் பச்சம்மாள், துணைச் செயலா் பஞ்சவா்ணம், திருநெல்வேலி மாநகா் மாவட்ட ஜெயலலிதா பேரவை செயலா் ஜெரால்டு, அவைத் தலைவா் கணபதி சுந்தரம், மாவட்ட எம்.ஜி.ஆா். மன்றச் செயலா் பெரியபெருமாள், சீனிமுகம்மது சேட், நாராயணன், திருத்து சின்னதுரை உள்பட பலா் கலந்துகொண்டனா்.