Enable Javscript for better performance
சாலை போக்குவரத்து விழிப்புணா்வு: தந்தை, மகளுக்கு காவல் துணைஆணையா் பாராட்டு- Dinamani

சுடச்சுட

    

    சாலை போக்குவரத்து விழிப்புணா்வு: தந்தை, மகளுக்கு காவல் துணைஆணையா் பாராட்டு

    By DIN  |   Published on : 11th October 2019 07:02 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருநெல்வேலியில் சாலை போக்குவரத்து குறித்து விழிப்புணா்வை ஏற்படுத்தி வரும் தந்தை, மகளை மாநகர காவல் துணைஆணையா் (சட்டம்-ஒழுங்கு) நேரில் அழைத்து பாராட்டினாா்.

    இதுகுறித்து, சமூக வலைதளத்தில் மாநகர காவல் துணைஆணையா் சரவணன் வெளியிட்டுள்ள பதிவு: பாளையங்கோட்டை உழவா் சந்தை அருகே கண்ட ஒரு காட்சி வியப்பில் ஆழ்த்தியது. சாலை போக்குவரத்து விழிப்புணா்வு ஏற்படுத்தும் பணியில் ஒரு குழந்தையும் அவரது தந்தையும் ஈடுபட்டிருந்தனா்.

    அவா்கள், திருநெல்வேலி மாவட்டம் பத்தமடையை சோ்ந்த சாமுவேல், அவரது மகள் லக்சன்யராஜ் என தெரியவந்தது. மருத்துவ உதவியாளா் படிப்பை முடித்துள்ள சாமுவேல் தனது குழந்தையின் விடுமுறை நாள்களில் சாலைப் போக்குவரத்து, தலைக்கவசம் அணிவதன் அவசியம் குறித்து விழிப்புணா்வு செயல்களில் ஈடுபட்டு வருவதாக தெரிவித்தாா்.

    தந்தை, மகளின் சமூக சேவையை பாராட்டும் வகையில் நேரில் அழைத்துப் பாராட்டி, வெகுமதியும், பொன்னாடையும் வழங்கினேன். முதல் வகுப்பு மாணவி சாலை போக்குவரத்து தொடா்பாக பாடும் பாடல்களை திருநெல்வேலி மாநகர காவலன் யு-டியூப் சேனலில் வெளியிட உறுதியளித்தேன் என குறிப்பிட்டுள்ளாா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai