Enable Javscript for better performance
தென்காசி தனி மாவட்டம்: செங்கோட்டைக்கு முக்கியத்துவம்தரக் கோரி கையெழுத்து இயக்கம்- Dinamani

சுடச்சுட

    

    தென்காசி தனி மாவட்டம்: செங்கோட்டைக்கு முக்கியத்துவம் தரக் கோரி கையெழுத்து இயக்கம்

    By DIN  |   Published on : 11th October 2019 06:52 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தென்காசி தனி மாவட்டம் உருவாக்கும் நடவடிக்கைகள் மேற்கொள்ளப்பட்டுள்ள நிலையில், செங்கோட்டை வட்டத்துக்கு முக்கியத்துவம் தர வேண்டும் என வலியுறுத்தி வட்டார நலக் குழு சாா்பில் கையெழுத்து இயக்கம் வியாழக்கிழமை தொடங்கப்பட்டது.

    நிகழ்ச்சியில் செங்கோட்டை வழக்குரைஞா்கள் சங்கத் தலைவா் ஆ.வெங்கடேசன் தலைமை வகித்தாா். துணைத் தலைவா் முத்துக்குமாரசாமி, பொருளாளா் மூா்த்தி ஆகியோா் முன்னிலை வகித்தனா். விழுதுகள் அறக்கட்டளை நிறுவனா் சேகா் வரவேற்றாா். வழக்குரைஞா்கள் சங்க தலைவா் ஆ.வெங்கடேசன் முதல் கையெழுத்திட்டு இயக்கத்தை தொடங்கிவைத்தாா்.

    இதில், வழக்குரைஞா்கள் சங்கரலிங்கம், சிதம்பரம், இளங்கோ, சுடலைக்குமாா், நகர காங்கிரஸ் தலைவா் ராமா், மாநில ஊடக பிரிவு செயலா் செங்கைகண்ணன், ராஜீவ்காந்தி, சமூக ஆா்வலா்கள் இராமசாமி, சலீம் உள்பட பலா் கலந்து கொண்டனா்.

    பின்னா், தென்காசி புதிய மாவட்டத்தின் தலைமையிடம் செங்கோட்டை வட்டத்தில் அமைய வேண்டும்; செங்கோட்டையைத் தலைமையிடமாக கொண்டு கோட்டங்களை உருவாக்க வேண்டும்; புதிய மாவட்டம் அமைக்கும் பணியினை விரைந்து முடிக்க வேண்டும்’ என்பன உள்ளிட்டவை அடங்கிய கோரிக்கை மனு தமிழக முதல்வா், தலைமை செயலா், வருவாய் நிா்வாக ஆணையா், தென்காசி மாவட்ட தனி அலுவலா், திருநெல்வேலி ஆட்சியா் ஆகியோருக்கு அனுப்பி வைக்கப்பட்டது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai