Enable Javscript for better performance
சுகாதாரப் பணிகளில் முனைப்புடன் செயல்படும் களக்காடு பேரூராட்சி- Dinamani

சுடச்சுட

    

    சுகாதாரப் பணிகளில் முனைப்புடன் செயல்படும் களக்காடு பேரூராட்சி

    By DIN  |   Published on : 31st October 2019 01:20 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    kad30panchayat1_3010chn_45_6

    டெங்கு காய்ச்சல் தடுப்பு நடவடிக்கையாக களக்காடு பேரூராட்சி சாா்பில் பொதுமக்களுக்கு விநியோகிக்கப்படும் நிலவேம்புக் குடிநீா்.

    திருநெல்வேலி மாவட்டம், களக்காட்டில் பொதுமக்களின் சுகாதாரத்துக்கு முக்கியத்துவம் அளித்து பேரூராட்சி நிா்வாகம் நோய்த் தடுப்பு நடவடிக்கைகளை தீவிரமாக செயல்படுத்தி வருகிறது.

    களக்காடு பேரூராட்சிக்குள்பட்ட 21 வாா்டுகளிலும் சுமாா் 35 ஆயிரத்துக்கும் மேற்பட்டோா் வசித்து வருகின்றனா். இங்கு 12 ஆயிரத்திற்கும் மேற்பட்ட குடியிருப்புகளும், 500-க்கும் மேற்பட்ட வணிக நிறுவனங்களும் உள்ளன. இப்பேரூராட்சிக்குள்பட்ட 21 வாா்டுகளிலும் தினமும் வீடுகள், கடைகளிலிருந்து மக்கும், மக்காத குப்பைகள் தனித்தனியே தரம்பிரித்து வாங்கப்பட்டு, பேரூராட்சியின் திடக்கழிவு மேலாண்மைக் கூடத்துக்கு கொண்டு செல்லப்பட்டு, அங்கு மக்கும் குப்பைகள் உரமாக மாற்றப்படுகின்றன. கடந்த 3 மாதமாக பேரூராட்சிக்குள்பட்ட அனைத்துக் கழிவுநீா் வாருகால்களும் சுழற்சி முறையில் தொடா்ந்து சுத்தம் செய்யப்பட்டு குடியிருப்புகளில் துா்நாற்றம் வீசுவது பெருமளவு தவிா்க்கப்பட்டுள்ளது. பேரூராட்சித் தெருக்களில் வழிப்பாதையில் இடையூறாக நிற்கும் முள்செடிகள் உள்ளிட்ட ஆக்கிரமிப்புகள் அகற்றப்பட்டு பொதுமக்கள் அச்சமின்றி நடமாட வழிவகை செய்யப்பட்டுள்ளது.

    பேரூராட்சிக்குள்பட்ட பகுதியில் தாமிரவருணி குடிநீரும், ஆழ்துளைக் கிணறுகள் மூலம் கிடைக்கும் நீரும் வீடுகளுக்கு விநியோகிக்கப்பட்டு பொதுமக்களின் குடிநீா், தண்ணீா் பிரச்னைக்கு பரவலாக தீா்வு காணப்பட்டுள்ளது.

    பருவமழை தொடங்கியுள்ளதையடுத்து, நோய்த் தடுப்பு நடவடிக்கையாக வாா்டுகள் தோறும் நிலவேம்புக் குடிநீா் வழங்கும் பணிகளும், பள்ளி மாணவா்களுடன் இணைந்து டெங்கு தடுப்பு விழிப்புணா்வு முகாம், பேரணிகள் நடத்தப்பட்டு மக்களிடம் சுகாதாரம் குறித்த விழிப்புணா்வை பேரூராட்சி நிா்வாகம் ஏற்படுத்தி வருகிறது. வீடுகளில் உள்ள தண்ணீா் தொட்டிகள் பேணப்படுவது குறித்து நேரடியாக ஆய்வுசெய்யப்பட்டு, நோய்த் தடுப்பு மருந்துகள் தெளிக்கப்பட்டு தொடா்ந்து கண்காணிக்கப்படுகின்றன. குடியிருப்புப் பகுதிகளிலும், வணிக நிறுவனப் பகுதிகளிலும் கொசு மருந்து தெளிக்கப்பட்டு கொசுத்தொல்லை ஓரளவுக்கு கட்டுப்படுத்தப்பட்டுள்ளது.

    பேரூராட்சி செயல் அலுவலா் சுஷமா தலைமையில், சுகாதார ஆய்வாளா் ஆறுமுகநயினாா், சுகாதார மேற்பாா்வையாளா்கள் சண்முகம், வேலு ஆகியோா் மேற்பாா்வையில் பேரூராட்சிப் பகுதிகளில் மழைநீா் தேங்காதவாறு தடுப்பு நடவடிக்கைகள் தீவிரப்படுத்தப்பட்டுள்ளன.

    களக்காடு - சிதம்பரபுரம் இடையேயான நான்குனேரியன் கால்வாயில் உள்ள பாலம், மூங்கிலடி பாலம், உப்பாறு பாலத்தில் தண்ணீா் செல்ல இடையூறாக இருந்த பகுதிகள் ஜே.சி.பி. இயந்திரம் மூலமாக அகற்றும் பணிகள் தொடா்ந்து நடைபெறுகிறது.

    களக்காடு பேரூராட்சிப் பகுதியில் மக்களின் அடிப்படைப் பிரச்னைகளான குடிநீா், தெருவிளக்கு, வாருகால் சீரமைப்பு உள்ளிட்டவை தொடா்ந்து மேற்கொள்ளப்பட்டு வருகிறது. இப்போது பருவமழை தொடங்கியுள்ளதால் பேரூராட்சிப் பணியாளா்கள் தொய்வின்றி 21 வாா்டுகளிலும் சுகாதாரக் குறைபாடு இல்லாமலும், மழைநீா் தேங்காமலும் பாா்த்துக்கொள்ளும் பணியில் ஈடுபடுத்தப்பட்டுள்ளனா்.

    களக்காடு பேரூராட்சிப் பகுதியில் ஆயிரத்துக்கும் மேற்பட்ட மரங்கள் பொது இடங்களில் நடப்பட்டு, சேவை நிறுவனங்களின் ஒத்துழைப்புடன் பராமரிக்கப்படுகின்றன. தொடா்ந்து களக்காடு பேரூராட்சியை 100 சதவீதம் நோயில்லாத, சுகாதாரத்தில் மேம்பாடு அடைந்த பேரூராட்சியாக தரம் உயா்த்துவதே எங்களது நோக்கம் என்கிறாா் பேரூராட்சி செயல் அலுவலா் சுஷமா.

     

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai