கடையநல்லூர் அரசு மருத்துவமனைக்கு 2 டயாலிசிஸ் இயந்திரங்கள் வாங்குவதற்கு நிதி ஒதுக்கப்பட்டு ஓராண்டாகியும் இதுவரை இயந்திரங்கள் நிறுவப்படவில்லை என முகமதுஅபூபக்கர் எம்எல்ஏ புகார் தெரிவித்துள்ளார்.
இதுகுறித்து அவர் கூறியது: கடையநல்லூர் அரசு மருத்துவமனையில் ஏற்கெனவே பேரவை உறுப்பினர் தொகுதி வளர்ச்சி நிதி மூலம் 2 டயாலிசிஸ் இயந்திரங்கள் நிறுவப்பட்டுள்ளன. இந்நிலையில், கூடுதல் இயந்திரங்கள் தேவை என மக்கள் விடுத்த கோரிக்கையை ஏற்று, பேரவைத் தொகுதி வளர்ச்சி நிதி ரூ.14,72,740 ஒதுக்கி 2 டயாலிசிஸ் இயந்திரங்களும், ஒரு பல் மருத்துவ நாற்காலியும் (டெண்டல் சேர்) வாங்குவதற்கு 7.8.18இல் பரிந்துரை செய்தேன். எனினும் இதுவரை யலாலிஸ் இயந்திரங்கள் மருத்துவமனைக்கு வரவில்லை. இதற்கிடையே, தமிழ்நாடு மருத்துவ சேவைக் கழகம் , இணை இயக்குநருக்கு 5-8-19ல் அனுப்பிய கடிதத்தில், தொடர்புடைய மருத்துவமனையிலிருந்து எந்தவிதமான நிதியும் பெறப்படவில்லை என தெரிவிக்கப்பட்டுள்ளது. இது கண்டிக்கத்தக்கது என்றார் எம்எல்ஏ.