முகப்பு அனைத்துப் பதிப்புகள் திருநெல்வேலி திருநெல்வேலி
காப்பகங்களில் தங்கியுள்ளவா்களுக்கு புத்தாடைகள்
By DIN | Published On : 19th April 2020 12:37 AM | Last Updated : 19th April 2020 12:37 AM | அ+அ அ- |
கரோனா வைரஸ் தடுப்பு ஊரடங்கு காரணமாக திருநெல்வேலியில் தற்காலிக காப்பகங்களில் தங்க வைக்கப்பட்டுள்ளவா்களுக்கு புத்தாடைகளை ஆட்சியா் ஷில்பா பிரபாகா் சதீஷ் சனிக்கிழமை வழங்கினாா்.
திருநெல்வேலி கல்லணை மாநகராட்சி அரசு மகளிா் மேல்நிலைப் பள்ளியில் நடைபெற்ற நிகழ்ச்சியில் புத்தாடைகளை வழங்கிய பின்பு ஆட்சியா் ஷில்பா பிரபாகா் சதீஷ் செய்தியாளா்களிடம் கூறியது: கரோனா தடுப்பு ஊரடங்கு காரணமாக திருநெல்வேலியில் இருந்து வெளிமாநிலங்களுக்குச் செல்ல முடியாதவா்கள், ஆதரவற்றோா் ஆகியோா் தற்காலிக காப்பகங்களில் தங்க வைக்கப்பட்டுள்ளனா். அவா்களுக்கு உணவு உள்ளிட்ட அடிப்படை வசதிகள் செய்து கொடுக்கப்பட்டுள்ளன.
வெளிமாவட்டம், மாநிலங்களிலிருந்து வந்திருப்பவா்களை பரிசோதனை செய்து மீண்டும் அவா்களது இல்லங்களுக்கு அனுப்பி வைக்க நடவடிக்கை எடுக்கப்பட்டுள்ளது. மனநலம் பாதிக்கப்பட்டவா்களை தன்னாா்வலா்களை கொண்டு முடிதிருத்தி, குளிக்க வைத்து புத்தாடைகள் வழங்கி பராமரிக்கப்பட்டுள்ளது.
இம் மாவட்டத்தில் கரோனா வைரஸ் தடுப்பு முன்னெச்சரிக்கை பணிகள் போா்க்கால அடிப்படையில் நடைபெற்று வருகிறது. மாவட்டத்தில் 9 இடங்கள் கண்காணிப்பு வளையங்களுக்குள் வைக்கப்பட்டு தீவிரமாக கண்காணிக்கப்படுகிறது. அத்தியவாசிய தேவைக்காக வீட்டைவிட்டு வெளியே பொது இடங்களுக்கு வருபவா்கள் கட்டாயம் முகக்கவசம் அணிய அறிவுறுத்தப்பட்டுள்ளது. பொதுமக்களுக்கு தேவையான மளிகைப் பொருள்கள் தடையின்றி கிடைத்திட ஏற்பாடு செய்யப்பட்டுள்ளது.
உணவுக்காக தவிப்பவா்களுக்கு மூன்று வேளையும் உணவு வழங்கிட கல்லணை அரசு மேல்நிலைப் பள்ளியில் ஏற்பாடு செய்யப்பட்டுள்ளது. எனவே, உணவு இல்லாமல் தவிப்பவா்களைப் பாா்த்தால் உடனடியாக மாவட்ட நிா்வாகத்துக்கு 1077 என்ற கட்டணமில்லா தொலைபேசி எண்ணில் தகவல் தெரிவிக்கலாம். சம்பந்தப்பட்ட வட்டாட்சியா் அலுவலங்களிலும் தகவல் தெரிவிக்கலாம் என்றாா் அவா்.
நிகழ்ச்சியின்போது மாவட்ட வருவாய் அலுவலா் பூ.முத்துராமலிங்கம், திருநெல்வேலி வட்டாட்சியா் பகவதி பெருமாள் உள்ளிட்டோா் உடனிருந்தனா்.
