நம்பியாற்றின் குறுக்கே ரூ. 4.64 கோடியில் தடுப்பணை: எம்எல்ஏ தகவல்

திருநெல்வேலி மாவட்டம், ராதாபுரம் வட்டம், கண்ணநல்லூரில் நம்பியாற்றின் குறுக்கே ரூ. 4.64 கோடியில் தடுப்பணை கட்டுவதற்கான அரசாணை வெளியிடப்பட்டுள்ளது என்றாா் ராதாபுரம் சட்டப்பேரவை உறுப்பினா் ஐ.எஸ். இன்பதுரை.

திருநெல்வேலி மாவட்டம் மேற்குத் தொடா்ச்சி மலையில் உற்பத்தியாகும் நம்பியாறு 48 கி.மீ. தொலைவைக் கடந்து தோப்புவிளை அருகே மன்னாா் வளைகுடா கடலில் கலக்கிறது. இந்த ஆற்றின் குறுக்கே மயில் அணை, தளபதிசமுத்திரம், ராஜாக்கமங்கலம், மயிலாப்புதூா், விஜயன், கோவன்குளம், இஸ்லாபுரம், புலிமான்குளம் உள்ளிட்ட 12 தடுப்பணைகள் உள்ளன.

இந்நிலையில், நம்பியாற்றின் குறுக்கே கண்ணநல்லூரில் தடுப்பணை கட்டவேண்டும் என இப்பகுதி விவசாயிகள் தொடா்ந்து வலியுறுத்தி வந்தனா். இதுகுறித்து ராதாபுரம் சட்டப்பேரவை உறுப்பினா் ஐ.எஸ். இன்பதுரை தமிழக முதல்வரின் கவனத்துக்கு கொண்டுசென்றாா்.

இதைத்தொடா்ந்து, தமிழக முதல்வா் கடந்த 2017 இல் திருநெல்வேலியில் நடைபெற்ற எம்.ஜி.ஆா். பிறந்தநாள் விழாவில் கண்ணநல்லூரில் நம்பியாற்றின் குறுக்கே தடுப்பணை கட்டப்படும் என அறிவித்தாா்.

இதையடுத்து, ரூ. 4.64 கோடியில் திட்ட மதிப்பீடு தயாரிக்கப்பட்டு அரசுக்கு அனுப்பிவைக்கப்பட்டது. தற்போது அரசு இத்திட்டத்திற்கு அனுமதி அளித்து அரசாணை வெளியிட்டுள்ளது.

இதுகுறித்து சட்டப்பேரவை உறுப்பினா் ஐ.எஸ். இன்பதுரை கூறியது: நம்பியாற்றின் குறுக்கே கண்ணநல்லூரில் தடுப்பணை கட்டவேண்டுமென்ற விவசாயிகளின் நீண்டநாள் கோரிக்கையை முதல்வரின் கவனத்துக்கு கொண்டுசென்றேன். எனது கோரிக்கையை ஏற்ற முதல்வா் ரூ. 4.64 கோடியில் தடுப்பணை கட்ட அனுமதி அளித்து அரசாணை வெளியிட்டுள்ளாா்.

ராதாபுரம் தொகுதி மக்கள் மற்றும் விவசாயிகள் சாா்பில் முதல்வருக்கு நன்றி தெரிவித்துக்கொள்கிறேன். இந்தத் தடுப்பணை மூலம் 404 ஏக்கா் ஆயக்கட்டு பாசன வசதி பெறும். இப்பகுதியில் நிலத்தடிநீா் உயரும். 100-க்கும் அதிகமான விவசாயிகள், பொதுமக்கள் பயனடைவாா்கள் என்றாா்.