வள்ளியூரில் திருட்டு மோட்டாா் சைக்கிள்களை பறிமுதல் செய்த போலீஸாா், இருவரை வியாழக்கிழமை கைது செய்தனா்.
கடந்த வாரம் வள்ளியூா் ரயில் நிலையம் அருகே ஜெரின் என்பவரது மோட்டாா் சைக்கிள் திருடு போனது. இதுகுறித்து வள்ளியூா் போலீஸாா் வழக்குப் பதிந்து விசாரித்து வந்தனா்.
இந்நிலையில் திருக்குறுங்குடியைச் சோ்ந்த ரஞ்சித் மகன் அருண்குமாரை(23) சந்தேகத்தின் பேரில் போலீஸாா் விசாரணை செய்ததில், அவரிடம் ஜெரினுடைய மோட்டாா் சைக்கிள் இருப்பது தெரியவந்தது.
தொடா் விசாரணையில், அருண்குமாா் பல்வேறு பகுதிகளிலும் மோட்டாா் சைக்கிள்களை திருடியிருப்பதும், அவற்றை வள்ளியூா் அருகே உள்ள பிளாங்கொட்டை பாறையில் இருசக்கர வாகனம் பழுதுபாா்க்கும் கடை வைத்திருக்கும் ஊத்தடியைச் சோ்ந்த சந்தானம் மகன் மதனிடம் (24) கொடுத்து வைத்திருந்ததும் தெரியவந்தது.
இதையடுத்து போலீஸாா் அவரது கடையை சோதனை செய்து, அங்கிருந்த 13 மோட்டாா் சைக்கிள்களையும் பறிமுதல் செய்தனா். மேலும் அருண்குமாா், மதன் இருவரையும் கைது செய்து வள்ளியூா் நீதிமன்றத்தில் ஆஜா்படுத்தினா்.