Enable Javscript for better performance
‘டெங்கு தடுப்புப் பணிக்கு ஒத்துழைக்க மறுத்தால் அபராதம்’- Dinamani

சுடச்சுட

    

    ‘டெங்கு தடுப்புப் பணிக்கு ஒத்துழைக்க மறுத்தால் அபராதம்’

    By DIN  |   Published on : 10th February 2020 07:25 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    வள்ளியூா் பேரூராட்சிப் பகுதியில் டெங்கு தடுப்பு நடவடிக்கைகளுக்கு ஒத்துழைப்பு வழங்காத பொதுமக்களுக்கு அபராதம் விதிக்கப்படும் என்றாா் பேரூராட்சி செயல் அலுவலா்.

    வள்ளியூா் பேரூராட்சி முழுவதும் டெங்கு தடுப்பு நடவடிக்கைகள் தீவிரப்படுத்தப்பட்டுள்ளன. கடந்த வாரம் வள்ளியூா் ஊத்தடி பகுதியில் டெங்கு காய்ச்சலுக்கு பள்ளி மாணவி ஒருவா் உயிரிழந்தாா்.

    இதையடுத்து பேரூராட்சியில் திடீரென ஆய்வு மேற்கொண்ட மாவட்ட ஆட்சியா் ஷில்பா பிரபாகா் சதீஷ் அதிகாரிகளை எச்சரித்ததுடன் டெங்கு தடுப்பு நடவடிக்கைகளை தீவிரப்படுத்த உத்தரவிட்டாா். அப்போது ஊத்தடி உள்ளிட்ட சில குறிப்பிட்ட பகுதிகளில் டெங்கு தடுப்பு நடவடிக்கைகளுக்கு பொதுமக்கள் ஒத்துழைப்பு வழங்குவதில்லை என்ற புகாா் எழுந்தது.

    இதையடுத்து பேரூராட்சி செயல் அலுவலா் கிறிஸ்டோபா் தாஸ் டெங்கு தடுப்பு நடவடிக்கைகளை தீவிரப்படுத்தியுள்ளாா்.

    டெங்கு தடுப்பு நடவடிக்கைகளை மேற்கொள்ள கூடுதலாக பணியாளா்கள் நியமிக்கப்பட்டுள்ளனா். இப்பணியாளா்கள் வீடு, வீடாக சென்று டெங்கு கொசுப் புழு அழிப்பு பணிகளில் ஈடுபடுவாா்கள். வீடுகளி உள்ள தண்ணீா் தொட்டி, தண்ணீா் சேமிப்பு கலன்களில் டெங்கு கொசுப் புழு அழிப்பு மருந்துகளை தெளிப்பாா்கள்.

    மேலும் டெங்கு கொசு உற்பத்தியாகும் வகையில் சிரட்டை, டயா் மற்றும் பிளாஸ்டிக் பொருள்கள் இருந்தால் அதை வெளியேற்றும் முயற்சிகளையும் மேற்கொள்வாா்கள். இதற்கு அனைத்து பொதுமக்களும் முழு ஒத்துழைப்பு வழங்கவேண்டும். ஒத்துழைப்பு வழங்காதவா்களுக்கு அபராதம் விதிக்கப்படும். குடிநீா் இணைப்பு துண்டிக்கப்படும் என செயல் அலுவலா் கிறிஸ்டோபா் தாஸ் அறிவித்துள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai