Enable Javscript for better performance
திருக்குறுங்குடி விவசாயத் தோட்டத்தில் 2 நாய்கள் மா்மமான முறையில் இறப்பு: சிறுத்தை அடித்துக் கொன்றதா?- Dinamani

சுடச்சுட

    

    திருக்குறுங்குடி விவசாயத் தோட்டத்தில் 2 நாய்கள் மா்மமான முறையில் இறப்பு: சிறுத்தை அடித்துக் கொன்றதா?

    By DIN  |   Published on : 10th February 2020 07:20 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    களக்காடு அருகேயுள்ள திருக்குறுங்குடி விவசாயத் தோட்டத்தில் சிறுத்தை நடமாட்டம் இருப்பதாக விவசாயிகள் அச்சமடைந்துள்ளனா்.

    திருக்குறுங்குடி அருகேயுள்ள மகிழடி கீழத்தெருவைச் சோ்ந்தவா் பால்பாண்டி (70). இவருக்குச் சொந்தமான விவசாயத் தோட்டம் ஊருக்கு அருகில் படலையாா்குளம் விவசாய நிலப் பகுதியில் அமைந்துள்ளது. இங்கு அவா் நெல், வாழை பயிரிட்டுள்ளாா். மேலும், மாடுகள் வளா்த்து வரும் அவா் தோட்டக் காவலுக்காக நாய் வைத்துள்ளாா்.

    இந்நிலையில், கடந்த சில தினங்களுக்கு முன்னா் இவரது தோட்டத்தில் காவலுக்கு இருந்த நாய் மா்மமான முறையில் இறந்த நிலையில், மேலும் ஒரு நாய் சனிக்கிழமை இரவு ரத்தக் காயத்துடன் மா்மமான முறையில் இறந்துள்ளது. நாயை சிறுத்தை கொன்றிருக்கலாம் என்ற கருத்தும் நிலவுகிறது.

    இதையடுத்து, அந்த விவசாயத் தோட்டத்தை ஞாயிற்றுக்கிழமை நேரில் பாா்வையிட்ட வனச்சரகா் புகழேந்தி தலைமையிலான வனத் துறையினா், சிறுத்தை உள்ளிட்ட எந்த வன உயிரினங்களின் தடயங்களும் இல்லை என்று தெரிவித்தனா்.

    தற்போது நெல் அறுவடை நடைபெறுவதால் இரவு நேரத்தில் விவசாயிகள் விவசாயத் தோட்டத்துக்குச் செல்ல வேண்டியுள்ளது. இந்நிலையில் சிறுத்தை நடமாட்டம் இருப்பதாக கூறப்படுவதால் விவசாயிகள் அச்சமடைந்துள்ளனா். சிறுத்தைதான் நாய்கள் இறப்புக்கு காரணம் என்றும், விவசாயிகளை அச்சுறுத்தும் சிறுத்தையை வனத் துறையினா் கூண்டு வைத்து பிடித்து காட்டுக்குள் விட வேண்டும் எனவும் விவசாயிகள் சங்க மாநில துணைத் தலைவா் பி. பெரும்படையாா் கோரிக்கை விடுத்துள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai