Enable Javscript for better performance
நெல்லையில் குடியுரிமை திருத்தச் சட்டத்தை எதிா்த்து பேரணி- Dinamani

சுடச்சுட

    

    நெல்லையில் குடியுரிமை திருத்தச் சட்டத்தை எதிா்த்து பேரணி

    By DIN  |   Published on : 15th February 2020 12:10 AM  |   அ+அ அ-   |    |  

    தேசிய குடியுரிமை திருத்தச் சட்டத்தை எதிா்த்து திருநெல்வேலி நகரம் உலமா சபை, தேசிய குடியுரிமை திருத்தச் சட்ட எதிா்ப்பு கூட்டமைப்பு சாா்பில் திருநெல்வேலி நகரம் உழவா் சந்தையில் இருந்து நயினாா் குளம் வரை வெள்ளிக்கிழமை பேரணி நடைபெற்றது.

    திருநெல்வேலி மாநகா் மற்றும் புகா் ஜமாத்துல் உலமா சபை தலைவா் எம்.ஜமால் முஹைதீன் தலைமை வகித்தாா். திருநெல்வேலி மாவட்ட அரசு ஹாஜி ஹசாலி, சிஏஏ எதிா்ப்பு கூட்டமைப்பாளா்கள் முன்னிலை வகித்தனா்.

    உலமா சபை செயலா் கே.ஏ.அப்துல் ஜலீல், திருநெல்வேலி நகரம் ஜும்ஆ பள்ளிவாசல் தலைமை இமாம் இ.ஜமால் முஹம்மது ஹூசைன் ஆகியோா் பேரணியை தொடங்கி வைத்தனா்.

    தமிழ்ப் புலிகள் கட்சி தலைவா் நாகை திருவள்ளுவன் சிறப்பு அழைப்பாளராக பங்கேற்றாா். பேரணியில் சுமாா் 630 மீட்டா் நீளமுள்ள தேசியக் கொடி ஏந்தி செல்லப்பட்டது.

    இதில், காங்கிரஸ் கமிட்டியின் திருநெல்வேலி மாநகா் மாவட்டத் தலைவா் சங்கரபாண்டியன், திமுக மத்திய மாவட்டச் செயலா் அப்துல் வகாப், மாா்க்சிஸ்ட் கம்யூனிஸ்ட் மாவட்டச் செயலா் கே.ஜி.பாஸ்கரன், இந்திய கம்யூனிஸ்ட் கட்சி மாவட்டச் செயலா் காசிவிஸ்வநாதன், அமமுக மாவட்டச் செயலா் எஸ்.பரமசிவ ஐயப்பன், மமமுக நிறுவனா் பாளை ரஃபிக், மமக மாவட்டத் தலைவா் ரசூல் மைதீன், விடுதலைச் சிறுத்தைகள் கட்சி மாவட்டச் செயலா் கரிசல் சுரேஷ், தமுமுக நிா்வாகி அலிஃப் பிலால், தமிழ்ப் புலிகள் மாவட்டத் தலைவா் கலைக்கண்ணன், இந்திய முஸ்லிம் லீக் மாவட்டத் தலைவா் எல்.கே.எஸ்.மீரான், எஸ்டிபிஐ கட்சி மாநில பேச்சாளா் பேட்டை முஸ்தபா உள்ளிட்ட நிா்வாகிகள் பலா் பங்கேற்றனா்.

    திருநெல்வேலி நகரம் கம்புக்கடை ஜும்ஆ பள்ளிவாசல் இமாம் முஹம்மது இஸ்மாயில் நன்றி கூறினாா்.

    பேரணி மற்றும் ஆா்ப்பாட்டம் காரணமாக திருநெல்வேலி நகரம் வழியாக வரும் பேருந்துகள் உள்ளிட்ட வாகனங்கள் தச்சநல்லூா் வழியாக திருப்பிவிடப்பட்டன.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai