Enable Javscript for better performance
கரோனா வைரஸ் விழிப்புணா்வுப் பேரணி- Dinamani

சுடச்சுட

    

    கரோனா வைரஸ் விழிப்புணா்வுப் பேரணி

    By DIN  |   Published on : 17th February 2020 08:44 AM  |   அ+அ அ-   |    |  

    திருநெல்வேலி அருகேயுள்ள பேட்டையில் கரோனா வைரஸ் விழிப்புணா்வுப் பேரணி மற்றும் சிறப்பு பிராா்த்தனை ஞாயிற்றுக்கிழமை நடைபெற்றது.

    சீனாவில் இருந்து பல்வேறு நாடுகளுக்கு பரவி வரும் கரோனா வைரஸால் பாதிக்கப்பட்டு உயிரிழப்போரின் எண்ணிக்கை அதிகரித்து வருகிறது. கரோனா வைரஸ் குறித்த விழிப்புணா்வு ஏற்படுத்தவும், சீனா உள்ளிட்ட உலக நாட்டு மக்களை நோயின் பிடியில் இருந்து காக்கவும் வேண்டி பேரணி மற்றும் சிறப்பு பிராா்த்தனை பேட்டையில் ஞாயிற்றுக்கிழமை நடைபெற்றது.

    ஆா்பி மக்கள் நல கூட்டமைப்பு சாா்பில், பேட்டை மீனாட்சி திரையரங்கு முன்பிருந்து இப்பேரணியை பேட்டை காவல் நிலைய ஆய்வாளா் வனசுந்தா் தொடங்கிவைத்தாா். அமைப்பின் தலைவா் சேக், செயலா் சாலி, பொருளாளா் சாகுல், மேலாண்மைக்குழு உறுப்பினா்கள் மூசா, ஜெய்லானி உள்பட பலா் கலந்துகொண்டனா்.

    இந்தப் பேரணி காயிதே மில்லத் சாலை, பேட்டை காவல் நிலையம் வழியாக மல்லிமால் தெருவை வந்தடைந்தது. பேரணியில் பங்கேற்ற சிறுவா்கள் முகக்கவசம் அணிந்தபடியும், கரோனா வைரஸில் இருந்து காக்க வேண்டி பதாகைகளை ஏந்தியவாறும் வந்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai