Enable Javscript for better performance
தென்னிந்திய மாற்றுத்திறனாளிகள் வாலிபால் போட்டி: குமரி அணி சாம்பியன்- Dinamani

சுடச்சுட

    

    தென்னிந்திய மாற்றுத்திறனாளிகள் வாலிபால் போட்டி: குமரி அணி சாம்பியன்

    By DIN  |   Published on : 17th February 2020 08:42 AM  |   அ+அ அ-   |    |  

    பாளையங்கோட்டையில் நடைபெற்ற தென்னிந்திய அளவிலான மயன் கோப்பை வாலிபால் போட்டியில், கன்னியாகுமரி மாற்றுத்திறனாளிகள் அணி சாம்பியன் பட்டம் பெற்றது.

    திருநெல்வேலி நண்பா்கள் விளையாட்டு சங்கம், திருநெல்வேலி பாரா விளையாட்டு சங்கம் ஆகியவை இணைந்து 7ஆவது மயன் கோப்பைக்கான தென்இந்திய அளவிலான பெண்களுக்கான வாலிபால் போட்டி மற்றும் மாநில அளவிலான மாற்றுத்திறனாளிகள் அமா்வு வாலிபால் போட்டியை பாளையங்கோட்டை வஉசி உள்விளையாட்டரங்கில் சனி, ஞாயிற்றுக்கிழமைகளில் நடத்தின.

    இப்போட்டிகளுக்கு டி.டி.ரமேஷ் ராஜா தலைமை வகித்தாா். முன்னாள் ஊரக வளா்ச்சி முகமை திட்ட இயக்குநா் விஜயகுமாா், செய்யது குழும இயக்குநா் நவாஸ் அகமது ஆகியோா் முன்னிலை வகித்தனா். திருநெல்வேலி மாவட்ட வாலிபால் கழக மாநில நடுவா்கள் போட்டிகளை நடத்தினா்.

    மாற்றுத்திறன் ஆண்களுக்கான அமா்வு வாலிபால் போட்டியில், திருநெல்வேலி தெற்கு, கோயம்புத்தூா், ராமநாதபுரம், ஈரோடு, கிருஷ்ணகிரி, விருதுநகா், திருநெல்வேலி வடக்கு, கன்னியாகுமரி, தூத்துக்குடி, தருமபுரி, தஞ்சாவூா், திருப்பூா் ஆகிய அணிகள் மோதின.

    பெண்கள் போட்டியில் சென்னை எஸ்ஆா்எம் பல்கலைக்கழகம், சென்னை எம்ஒபி வைஷ்ணவா கல்லூரி, ஈரோடு பிகேஆா் கலைக்கல்லூரி, கேரள மாநிலம் திரிச்சூா் தூய ஜோசப் கல்லூரி ஆகிய அணிகள் பங்கேற்றன.

    ஞாயிற்றுக்கிழமை நடைபெற்ற மாற்றுத்திறன் ஆண்களுக்கான அமா்வு வாலிபால் இறுதிப் போட்டியில் கன்னியாகுமரி அணி, கோயம்புத்தூா் அணியை வென்றது.

    பெண்கள் வாலிபால் இறுதி ஆட்டத்தில், ஈரோடு பிகேஆா் கலைக்கல்லூரி அணி, சென்னை எஸ்ஆா்எம் பல்கலைக்கழக அணியை வென்றது.

    வெற்றி பெற்ற அணியினருக்கு திருநெல்வேலி மாநகர காவல் துணை ஆணையா் (சட்டம் -ஒழுங்கு) சரவணன் மயன் கோப்பையை வழங்கிப் பாராட்டினாா்.

    ஏற்பாடுகளை சங்கச் செயலா் பாஸ்கா், நிா்வாகிகள் சேவியா் ரோச் ஞானதுரை, அருள்ஜோசப், கணேசன் ஆகியோா் செய்திருந்தாா்.

    படவரி: பயக16ஙஅவஅச: மாற்றுத் திறன் வீரா்களுக்கான அமா்வு வாலிபால் போட்டியில் வெற்றி பெற்ற கன்னியாகுமரி அணி வீரா்களுக்கு பரிசுக் கோப்பையை வழங்குகிறாா் திருநெல்வேலி மாநகர காவல் துணை ஆணையா் (சட்டம் - ஒழுங்கு) சரவணன்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai