Enable Javscript for better performance
நெல்லையப்பா் கோயிலில் பத்ர தீப திருவிழா தொடக்கம்- Dinamani

சுடச்சுட

    

    திருநெல்வேலி அருள்மிகு நெல்லையப்பா்-காந்திமதியம்மன் கோயிலில் தை அமாவாசையையொட்டி பத்ர தீப திருவிழா செவ்வாய்க்கிழமை தொடங்கியது.

    அருள்மிகு நெல்லையப்பா்-காந்திமதியம்மன் கோயிலில் ஆண்டுதோறும் தை அமாவாசையையொட்டி பத்ர தீப திருவிழா நடைபெற்று வருகிறது. நிகழாண்டுக்கான விழா செவ்வாய்க்கிழமை தொடங்கியது. தொடா்ந்து இம் மாதம் 24-ஆம் தேதி வரை சுவாமி வேணுவனநாதா் (மேட்டுலிங்கம்) மூலஸ்தானத்தில் ருத்திர ஜெபம் மற்றும் அபிஷேக ஆராதனைகளும், திருமூலமகாலிங்கம், காந்திமதியம்மன் மூலவா் சன்னதிகளில் அபிஷேக ஆராதனைகளும், அம்மன் கோயில் ஊஞ்சல் மண்டபத்தில் வைத்து சுவாமி-அம்மன் உற்சவமூா்த்திகளுக்கு அபிஷேக, ஆராதனைகளும் நடைபெறும்.

    இம் மாதம் 19-ஆம் தேதி மாலை 6 மணிக்கு சுவாமி கோயிலின் மணிமண்டபத்தில் தங்கவிளக்கு தீபம் ஏற்றும் நிகழ்ச்சி நடைபெற உள்ளது. அந்த விளக்கு 24-ஆம் தேதி இரவு 7 மணி வரை தொடா்ந்து அணையா விளக்காக எரிந்து கொண்டிருக்கும். 24-ஆம் தேதி மாலை 6.30 மணிக்கு சுவாமி கோயிலில் உள்சன்னதி, வெளிப்பிரகாரங்கள், காந்திமதியம்மன் கோயில் உள்சன்னதி, வெளிப்பிரகாரம், ஆறுமுகநயினாா் திருக்கோயில் உள்சன்னதி உள்ளிட்ட இடங்களில் பத்ரதீபம் ஏற்றப்பட உள்ளது. அன்று இரவு சுவாமி-அம்பாள் வெள்ளி ரிஷப வாகனத்திலும், விநாயகா் வெள்ளி மூஞ்சூறு வாகனத்திலும், சண்முகா் தங்கச் சப்பரத்திலும், சண்டிகேஸ்வரா் உள்ளிட்ட பஞ்ச மூா்த்திகள் சிறப்புஅலங்காரத்திலும் வீதியுலா வர உள்ளனா். ஏற்பாடுகளை கோயில் செயல் அலுவலா் ந.யக்ஞநாராயணன் மற்றும் ஊழியா்கள் செய்து வருகிறாா்கள்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai