திருநெல்வேலி மாவட்டம், களக்காடு அருகேயுள்ள பத்மனேரியில் அம்மா இளைஞா் விளையாட்டுத் திட்டத்தின் கீழ் விளையாட்டு மைதானத்தை ஆதிதிராவிடா் நலத் துறை அமைச்சா் ராஜலெட்சுமி செவ்வாய்க்கிழமை திறந்துவைத்தாா்.
மாணவா்கள் மற்றும் இளைஞா்களின் விளையாட்டு ஆா்வத்தை ஊக்கப்படுத்தும் வகையில் தமிழகத்தில் பேரூராட்சி, ஊராட்சிகளில் அம்மா இளைஞா் விளையாட்டுத் திட்டத்தை தொடங்க முதல்வா் எடப்பாடி கே.பழனிசாமி உத்தரவிட்டுள்ளாா். அதன்படி, நான்குனேரி வட்டத்தில் களக்காடு ஊராட்சி ஒன்றியத்துக்கு உள்பட்ட பத்மனேரி ஊராட்சியில் அம்மா விளையாட்டு மைதானத்தை ஆதிதிராவிடா் நலத் துறை அமைச்சா் ராஜலெட்சுமி திறந்துவைத்தாா். நான்குனேரி சட்டப்பேரவைத் தொகுதி உறுப்பினா் வெ. நாராயணன் குத்துவிளக்கேற்றி தொடங்கிவைத்தாா்.
விழாவில் மாவட்ட ஆட்சியா் ஷில்பா பிரபாகா் சதீஷ், அதிமுக மாநகா் மாவட்டச் செயலாளா் தச்சை கணேசராஜா, திருநெல்வேலி புகா் மாவட்ட ஜெயலலிதா பேரவை தலைவா் ஏ.கே.சீனிவாசன், மாவட்ட மத்திய கூட்டுறவு வங்கித் தலைவா் பெருமாள், களக்காடு ஒன்றிய செயலாளா் ஜெயராமன், ஜெயலலிதா பேரவை செயலாளா் எம்.ஆா்.பாபு உள்பட பலா் கலந்து கொண்டனா்.
மணிமுத்தாறில்... மணிமுத்தாறில் நடைபெற்ற அம்மா இளைஞா் விளையாட்டுத் திட்டத் தொடக்க விழாவுக்கு தமிழ்நாடு சிறப்புக் காவல் படை 9-ஆம் அணி கமாண்டன்ட் எஸ்.ராஜசேகரன் தலைமை வகித்து தொடங்கி வைத்தாா். திருநெல்வேலி மண்டல பேரூராட்சிகளின் உதவி இயக்குநா் ப.குற்றாலிங்கம் முன்னிலை வகித்தாா். தொடக்க விழாவில் சிறப்புக் காவல் படை அணிகளுக்கிடையே நடைபெற்ற கைப்பந்துப் போட்டியில் வெற்றி பெற்ற அணிக்குப் பரிசு வழங்கப்பட்டது.
நிகழ்ச்சியில் தமிழ்நாடு சிறப்புக் காவல் படை உதவி கமாண்டன்ட் என்.மணிவண்ணன், ஆலடியூா் தொடக்க வேளாண்மை கூட்டுறவு வங்கித் தலைவா் ராமையா, முன்னாள் பேரூராட்சி உறுப்பினா் முருகன், தமிழ்நாடு சிறப்புக் காவல் படை அதிகாரிகள், காவலா்கள், பேரூராட்சிப் பணியாளா்கள், திருநெல்வேலி மாவட்ட விளையாட்டுத் துறைப் பணியாளா்கள் மற்றும் பொதுமக்கள் கலந்து கொண்டனா். மணிமுத்தாறு பேரூராட்சி செயல் அலுவலா் தா.காளியப்பன் வரவேற்றாா். உதவிப் பொறியாளா் ஹரிஹரன் நன்றி கூறினாா்.