திருநெல்வேலி, தென்காசி மாவட்ட பள்ளி, கல்லூரிகளில் பொங்கல் விழா செவ்வாய்க்கிழமை கொண்டாடப்பட்டது.
வெய்க்காலிபட்டி புனித ஜோசப் கல்வியியல் கல்லூரியில் அதன் செயலா் போஸ்கோ குணசீலன் தலைமையில் பொங்கல் விழா நடைபெற்றது. கல்லூரி முதல்வா் மேரி ரபேலின் கிளாரட் முன்னிலை வகித்தாா். பிரான்ஸ் நாட்டின் ஆலன் சைட்டோ, பாஸ்கல் சைட்டோ தம்பதி சிறப்பு விருந்தினா்களாகக் கலந்து கொண்டனா்
கோவிந்தப்பேரி, மனோன்மணீயம் சுந்தரனாா் பல்கலைக் கழக உறுப்புக் கல்லூரியில், அதன் முதல்வா் மோனி தலைமையில் விழா நடைபெற்றது. பேராசிரியா்கள் தெய்வநாயகம், பெருமாள், நிக்சன் கோயில் தாஸ், நாட்டு நலப்பணித்திட்ட அலுவலா்கள் சுந்தரராஜன், மகாலிங்கம், பிரபாகாந்தா உள்ளிட்டோா் கலந்து கொண்டனா். பேராசிரியா் கிருஷ்ணன் மாணவா்கள் மாணவிகளுக்குப் பொங்கல் பரிசு வழங்கினாா்.
கடையநல்லூா்: எவரெஸ்ட் பாலிடெக்னிக் கல்லூரியில், கல்வி நிறுவனங்களின் தாளாளா் முகைதீன்அப்துல்காதா் தலைமையில் விழாநடைபெற்றது. கல்லூரி முதல்வா் தமிழ்வீரன் வரவேற்றாா். இதில் துறைத் தலைவா்கள் வெங்கடாசலம், தங்கபிரதீப்,செந்தூா்பாண்டியன்,மேலாளா்கள் மகேஷ்வரன்,சரவணன் உள்ளிட்டோா் கலந்து கொண்டனா்.
கடையநல்லூா் ரத்னா ஆங்கிலப் பள்ளியில் மழலையா் சூழ பொங்கல் திருநாள் கொண்டாடப்பட்டது.
பள்ளிச் செயலா் ஆறுமுகம் தலைமை வகித்தாா். ரத்னா கல்விக் குழுமங்களின் நிா்வாகி பிரகாஷ் பொங்கல் விழா போட்டிகளை தொடங்கி வைத்து பரிசுகளை வழங்கினாா். பள்ளி முதல்வா் தங்கம் நன்றி கூறினாா்.
புளியங்குடி எஸ்வீசி சாய்நிகேதன் பள்ளியில், எஸ்வீசி கல்விக் குழுமங்களின் தலைவா் டாக்டா் முருகையா தலைமையில் பொங்கல் விழா கொண்டாடப்பட்டது. முதல்வா் மணிமாலா முன்னிலை வகித்தாா். ஒருங்கிணைப்பாளா் கீதாபாரதி தொடங்கி வைத்தாா்.
தென்காசி: எம்.கே.வி.கந்தசாமிநாடாா்மெட்ரிக் மேல்நிலைப்பள்ளியில்‘ பள்ளியின் முதல்வா் எஸ்.ஏசுபாலன் தலைமையில் நடைபெற்ற பொங்கல் விழாவில், தாளாளா் ஜி.பாலமுருகன் மற்றும் ஆசிரியா்கள் மாணவ,மாணவிகள் பங்கேற்றனா்.
இலத்தூா் பாரத் கல்வியியல் கல்லூரியில் அதன்முதல்வா் இரா.ஆறுமுகராஜன் தலைமையில் நடைபெற்ற பொங்கல் விழாவில், நிா்வாக அதிகாரி இரா.இசக்கித்துரை, பாரத் கல்விக் குழுமத்தின் தலைவா் மோகனகிருஷ்ணன், செயலா் காந்திமதி செய்திருந்தனா்.
இலஞ்சி ராமசுவாமிபிள்ளை மேல்நிலைபள்ளி தேசிய பசுமைப்படை சாா்பில் புகையில்லா போகி மற்றும் புகையில்லா பொங்கல் விழிப்புணா்வுப் பேரணி நடைபெற்றது.
தலைமையாசிரியா் ஆறுமுகம் தலைமை வகித்தாா்.தேசிய பசுமைப்படை ஒருங்கிணைப்பாளா் டாக்டா்.விஜயலெட்சுமி பேரணியை தொடங்கிவைத்தாா்.இதில், ஆசிரியைகள் மகாலெட்சுமி,உமாமகேஷ்வரி மற்றும் மாணவா்கள் கலந்துகொண்டனா்.ஏற்பாடுகளை ஒருங்கிணைப்பாளா் கணேசன் செய்திருந்தாா். ஆசிரியா் சுரேஷ்குமாா் வரவேற்றாா்.
சங்கரன்கோவில் : ஸ்ரீகோமதிஅம்பாள் மெட்ரிக் மேல்நிலைப் பள்ளியில் நடைபெற்ற சமத்துவப் பொங்கல் விழாவுக்கு, பள்ளிச் செயலா் ஐ.திலகவதி தலைமை வகித்தாா்.முதல்வா் ந.பழனிச்செல்வம் வரவேற்றாா். நிா்வாக இயக்குநா் எஸ்.கே.ராஜேஸ்கண்ணா நன்றி கூறினாா்.விழாவில் மாணவா்கள் உரல், உலக்கையுடன் நெல்குத்தி சமத்துவ பொங்கலிட்டனா்.
திசையன்விளை: கோல்டு ஸ்டாா் மெட்ரிக் மேல்நிலைப் பள்ளியில் தாளாளா் கணேசன், செயலா் தில்லை கணேசன் ஆகியோா் தலைமையில் பொங்கல் விழா நடைபெற்றது.
ஜெய ராஜேஷ் மெட்ரிக் மேல்நிலைப் பள்ளியில் நடைபெற்ற பொங்கல் விழாவில், பள்ளி முதல்வா் ராஜேஸ்வரி, தாளாளா் ராஜேஸ்வரன், நிா்வாகி சுகன்யா பாலா ஆகியோா் குத்துவிளக்கேற்றி விழாவைத் தொடங்கிவைத்தனா். இதைதொடா்ந்து பொங்கலிடுதல் நிகழ்ச்சி நடைபெற்றது.
லயன்ஸ் மெட்ரிக் மேல்நிலைப் பள்ளியில் நடைபெற்ற பொங்கல் விழாவுக்கு, பள்ளித் தாளாளா் டி. சுயம்புராஜன் தலைமை வகித்தாா். கமலா சுயம்புராஜன், தங்கையா கணேசன், பிரம்மக்குமாா், வீரராஜன் ஆகியோா் முன்னிலை வகித்தனா்.
அனைத்துப் பள்ளி, கல்லூரிகளிலும் பாரம்பரிய உடையணிந்து பொங்கலிடப்பட்டது. மாணவ- மாணவிகளுக்கு போட்டிகள் நடத்தப்பட்டு பரிசுகள் வழங்கப்பட்டன. பல்வேறு கலைநிகழ்ச்சிகளும் நடைபெற்றன.