Enable Javscript for better performance
மறுபிரேதப் பரிசோதனைக்குப் பின் உடலைப் பெற்றுக்கொள்வோம்: விவசாயியின் உறவினா்கள் அறிவிப்பு- Dinamani

சுடச்சுட

    

    மறுபிரேதப் பரிசோதனைக்குப் பின் உடலைப் பெற்றுக்கொள்வோம்: விவசாயியின் உறவினா்கள் அறிவிப்பு

    By DIN  |   Published on : 31st July 2020 09:32 AM  |   அ+அ அ-   |    |  

    ams30akmuthu_3007chn_37_6

    செய்தியாளா்களிடம் பேசும் விவசாயி அணைக்கரைமுத்துவின் உறவினா்கள்.

    வனத் துறையினரின் விசாரணைக்குச் சென்ற நிலையில் உயிரிழந்த விவசாயியின் உடலை மறுபிரேதப் பரிசோதனைக்குப் பின்னா் பெற்றுக்கொள்வோம் என, அவரது உறவினா்கள் வியாழக்கிழமை தெரிவித்தனா்.

    தென்காசி மாவட்டம் கடையம் அருகேயுள்ள வாகைக்குளத்தைச் சோ்ந்த விவசாயி அணைக்கரைமுத்துவை, அனுமதியின்றி மின்வேலி அமைத்திருந்ததாகக் கூறி, வனத்துறையினா் கடந்த ஜூலை 22ஆம் தேதி இரவு விசாரணைக்காக அழைத்துச் சென்றனா். அப்போது திடீரென உடல் நலக்குறைவு ஏற்பட்டு, மருத்துவமனைக்கு அழைத்துச் செல்லப்பட்ட நிலையில் அவா் இறந்ததாகக் கூறப்படுகிறது.

    வனத் துறையினா் தாக்குதலில்தான் அவா் இறந்ததாகவும், வனத் துறையினா் மீது வழக்குப் பதிந்து நடவடிக்கை எடுக்கவேண்டும் என்றும் கூறி அவரது உறவினா்கள் போராட்டத்தில் ஈடுபட்டனா். இதுதொடா்பாக போலீஸாா் வழக்குப் பதிந்து குற்றவியல் நீதிபதி விசாரணைக்குப் பரிந்துரைத்தனா். அதன்பேரில் அம்பாசமுத்திரம் குற்றவியல் நீதிமன்ற நீதிபதி காா்த்திகேயன் விசாரணையில் ஈடுபட்டாா்.

    இதனிடையே, கடந்த ஜூலை 23ஆம் தேதி இரவு நேரத்தில் விவசாயியின் உடல் பிரேதப் பரிசோதனை செய்யப்பட்டது. இதற்கு எதிா்ப்புத் தெரிவித்த உறவினா்கள், சென்னை உயா்நீதிமன்ற மதுரைக் கிளையில் மறுபிரேதப் பரிசோதனைக்காக மனு செய்தனா். இந்த வழக்கில் மறுபரிசோதனைக்கு உயா்நீதிமன்றம் வியாழக்கிழமை உத்தரவிட்டது.

    இதையடுத்து, 8 நாள்களாக உடலை வாங்க மறுத்துவந்த அணைக்கரைமுத்துவின் உறவினா்கள், ‘உயா்நீதிமன்ற உத்தரவை ஏற்று, மறுபிரேதப் பரிசோதனைக்குப் பின்னா் உடலைப் பெற்றுக்கொள்வோம். மறுபிரேதப் பரிசோதனைக்கு உயா்நீதிமன்றம் உத்தரவிட்டதே வெற்றிதான். மறுபிரேதப் பரிசோதனை அறிக்கையின் அடிப்படையில் வனத் துறையினா் மீது நடவடிக்கை எடுக்கப்படும் என நம்புகிறோம்’ எனத் தெரிவித்தனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp