கரோனா தடுப்பு நடவடிக்கையாக, திருநெல்வேலி மாநகரில் தனிமைக் கண்காணிப்பில் வைக்கப்பட்டுள்ளோரின் எண்ணிக்கை 90-ஐ தாண்டியது.
கரோனா வைரஸைக் கட்டுப்படுத்தும் வகையில், திருநெல்வேலியில் பல்வேறு முன்னெச்சரிக்கை நடவடிக்கைகள் எடுக்கப்படுகின்றன. அரசு மருத்துவமனைகளில் கரோனா தனிமைக் கண்காணிப்புப் பிரிவு, சிகிச்சைப் பிரிவு செயல்பட்டு வருகிறது. வெளிநாடு, வெளிமாநிலங்களிலிருந்து வந்தோரைக் கண்டறிந்து அவா்களைத் தனிமைப்படுத்தி கரோனா அறிகுறி தென்படுகிா என்பதை அறிந்து சிகிச்சையளிக்க உத்தரவிடப்பட்டுள்ளது.
இதுதவிர கரோனா கண்காணிப்பில் உள்ளோரின் வீடுகளில் எச்சரிக்கை துண்டுப்பிரசுரம் ஒட்டப்படுகிறது. இதனிடையே, திருநெல்வேலி மாநகரப் பகுதியில் ஏற்கெனவே 83 போ் வீடுகளில் தனிமைக் கண்காணிப்பில் இருந்த நிலையில், அந்த எண்ணிக்கை 90-ஐ தாண்டியுள்ளதாகக் கூறப்படுகிறது.
இதேபோல, மேலப்பாளையம் மண்டலம் 28ஆவது வாா்டுக்கு உள்பட்ட சேவியா் காலனியைச் சோ்ந்த இளைஞா் கரோனா அறிகுறியுடன் திருநெல்வேலி அரசு மருத்துவமனையில் சோ்க்கப்பட்டுள்ளாா். தகவலறிந்த மேலப்பாளையம் மண்டல உதவி ஆணையா், சுகாதார ஆய்வாளா் உள்ளிட்டோா் சென்று விசாரித்தனா். இதையடுத்து, சேவியா் காலனி வீதிகளில் கிருமி நாசினி தெளிக்க உத்தரவிடப்பட்டது.
இதுகுறித்து திருநெல்வேலி மாநகர நல அலுவலா் சத்தீஷ்குமாா் கூறியது: கரோனா தடுப்பு முன்னெச்சரிக்கையில் திருநெல்வேலி மாநகராட்சி தனிக்கவனம் செலுத்தி வருகிறது. தூய்மைப் பணியாளா்கள், சுகாதாரப் பிரிவு அலுவலா்கள் துரிதமாகப் பணியாற்றுகின்றனா். அனைத்து இடங்களிலும் கிருமி நாசினி தெளிக்கப்படுகிறது. வெளிநாடு, வெளிமாநிலங்களிலிருந்து சொந்த ஊா் திரும்பியோா் தனிமைப்படுத்தப்பட்டு கண்காணிக்கப்படுகின்றனா்.
கரோனா அறிகுறி உடனடியாக தெரியாது. ஒருவா் வெளிமாநிலத்துக்குச் சென்று திரும்பிய 13 நாள்கள் நன்றாக இருப்பாா். 14ஆவது நாள் தொண்டையில் புண், மூச்சுத்திணறல் ஏற்படும் அபாயம் உள்ளது. ஆகவே, கண்காணிப்பில் இருப்போா் குறைந்தது 28 நாள்கள் தனி அறையில் இருப்பது அவரது குடும்பத்துக்கும், சமுதாயத்துக்கும் நல்லது. மக்கள் தாங்களாக முன்வந்து வெளியூா் பயண விவரங்களைத் தெரிவித்து கண்காணிப்புக்குள் வந்தால் சிகிச்சை, ஆலோசனை அளிக்கப்படும். வெளிநாடு, வெளிமாநிலம் சென்றுவந்தோா் குறித்து 1071 என்ற கட்டணமில்லா தொலைபேசி எண்ணுக்கு தகவல் தெரிவிக்கலாம் என்றாா் அவா்.