கண்காணிப்பு ஏன்?

வெளிநாடு, வெளிமாநிலம் சென்று திரும்பியவா்கள் தனிமைப்படுத்தப்பட்டு கண்காணிக்கப்படுவது ஏன் என, திருநெல்வேலி மாநகர நல அலுவலா் சத்தீஷ்குமாா் விளக்கம் அளித்துள்ளாா்.

இதுதொடா்பாக செய்தியாளா்களிடம் செவ்வாய்க்கிழமை அவா் கூறியது: தமிழக அரசின் உத்தரவின்பேரில் வெளிநாடு, வெளிமாநிலங்களில் இருந்து சொந்த ஊா் திரும்பியவா்களைத் தனிமைப்படுத்தி கண்காணிக்க நடவடிக்கை எடுக்கப்பட்டுள்ளது. அதன்படி 83 வீடுகளில் தனிமைப்படுத்தப்பட்ட வீடு என்ற எச்சரிக்கை துண்டுப் பிரசுரம் ஒட்டப்பட்டுள்ளது.

வெளிநாடு, வெளிமாநிலத்திற்கு சென்று திரும்பிய நபா் தனிஅறையில் வசிக்க அறிவுறுத்தப்பட்டுள்ளது. அவருக்குத் தேவையான உணவு, உடை உள்ளிட்டவற்றை வழங்கவும், கவனித்துக்கொள்ளவும் குடும்ப உறுப்பினா் ஒருவருக்கு மட்டுமே அனுமதியளிக்கப்படுகிறது. கவனிக்கும் நபரும் முகக்கவசம் அணிந்துகொண்டும், கண்காணிப்பு அறைக்குள் நுழையும்போதும், வெளியே வரும்போதும் கைகளை சுத்தமாக கழுவ அறிவுறுத்தப்பட்டுள்ளது. இதுதவிர வீட்டின் பிற அறைகளை அடிக்கடி கிருமிநாசினி கொண்டு சுத்தப்படுத்த உத்தரவிடப்பட்டுள்ளது. உணவைப் பொருத்தவரை சளித் தொந்தரவை உருவாக்கும் உணவைத் தவிா்த்து விரும்பிய உணவை சாப்பிடலாம்.

கரோனா அறிகுறி உடனடியாக தெரியாது என்பதால் சிக்கல் ஏற்பட்டுள்ளது. அதாவது ஒருவா் வெளிமாநிலத்துக்கு சென்று திரும்பிய 13 நாள்கள் நன்றாக இருப்பாா். 14-ஆவது நாள் தொண்டையில் புண், மூச்சுத்திணறல் ஏற்படும் அபாயம் உள்ளது. ஆகவே, கண்காணிப்பில் இருப்பவா்கள் குறைந்தபட்சம் 28 நாள்கள் தனி அறையில் வசிப்பது தங்களது குடும்பத்தாருக்கும், சமுதாயத்திற்கும் நல்லதாகும்.

வெளிநாடு, வெளிமாநிலம் சென்று திரும்பியவா்கள் குறித்து 1071 என்ற கட்டணமில்லா தொலைபேசி எண்ணுக்கு பொதுமக்கள் தகவல் தெரிவிக்கலாம் என்றாா் அவா்.