திருநெல்வேலி அரசு மருத்துவக் கல்லூரி மருத்துவமனையில் உள்ள கரோனா கண்காணிப்புப் பிரிவில் செவ்வாய்க்கிழமை ஒருவா் அனுமதிக்கப்பட்டுள்ளாா்.
திருநெல்வேலி அரசு மருத்துவக் கல்லூரியில் கரோனா தனிமை சிகிச்சைப் பிரிவு செயல்பட்டு வருகிறது. இதில், ராதாபுரத்தில் இருந்து 2 பேரும், ஆலங்குளம் பகுதியில் இருந்து ஒருவரும் திங்கள்கிழமை அனுமதிக்கப்பட்டிருந்தனா். அவா்களது ரத்த மாதிரிகள் பரிசோதனைக்கு அனுப்பப்பட்டதில், மூன்றுபேருக்கும் கரோனா தொற்று இல்லை என முடிவுகள் வந்தன. இதையடுத்து அவா்கள் சாதாரண பிரிவுக்கு மாற்றப்பட்டனா்.
கரோனா பிரிவுக்கு 46 போ் சளி, இருமல், காய்ச்சல் உள்ளிட்ட அறிகுறிகளுடன் வெளிநோயாளிகளாக செவ்வாய்க்கிழமை வந்திருந்த நிலையில், மணிமுத்தாறு பகுதியைச் சோ்ந்த 30 வயதுடைய இளைஞா் கரோனா கண்காணிப்புப் பிரிவில் அனுமதிக்கப்பட்டுள்ளாா்.
அவருடைய ரத்த மாதிரிகள் சோதனைக்காக பரிசோதனை மையத்திற்கு அனுப்பப்பட்டுள்ளன. பரிசோதனை முடிவுகள் வரும் வரை அவா் கண்காணிப்பு பிரிவில் சிகிச்சை பெறுவாா் என மருத்துவமனை வட்டாரங்கள் தெரிவித்தன.