திருநெல்வேலி அரசு மருத்துவக் கல்லூரி மருத்துவமனை, மேலப்பாளையம் அரசு மருத்துவமனை ஆகியவற்றிற்கு பாளையங்கோட்டை சட்டப்பேரவைத் தொகுதி உறுப்பினா் டி.பி.எம்.மைதீன்கான் ரூ.40 லட்சம் நிதிஒதுக்கீடு செய்துள்ளாா்.
இதுகுறித்து அவா் வெளியிட்டுள்ள அறிக்கை: எனது தொகுதி மேம்பாட்டு நிதியின் கீழ் திருநெல்வேலி அரசு மருத்துவக் கல்லூரி மருத்துவமனையின் மகப்பேறு மற்றும் குழந்தைகள் வாா்டு முன் பகுதியில் காத்திருப்போா் அரங்கு கட்டடம் கட்ட ரூ.20 லட்சமும், கரோனா வாா்டுக்கு உபகரணங்கள் வாங்க ரூ.10 லட்சமும் ஒதுக்கீடு செய்யப்படுகிறது.
மேலப்பாளையம் அரசு மருத்துவமனை கரோனா வாா்டு பிரிவுக்கு உபகரணங்கள் வாங்குவதற்கு ரூ.5 லட்சம், கழிப்பறை மற்றும் குளியலறை கட்டுவதற்கு ரூ.5 லட்சம் என இரு அரசு மருத்துவமனைகளுக்காக ரூ.40 லட்சம் நிதி ஒதுக்கீடு செய்யப்பட்டுள்ளது எனக் குறிப்பிடப்பட்டுள்ளது.