Enable Javscript for better performance
விவசாய ஆழ்துளைக் கிணறு, மோட்டாா் அமைக்க 50% மானியம்- Dinamani

சுடச்சுட

    

    விவசாய ஆழ்துளைக் கிணறு, மோட்டாா் அமைக்க 50% மானியம்

    By DIN  |   Published on : 24th May 2020 08:46 AM  |   அ+அ அ-   |    |  

    அம்பாசமுத்திரம் வட்டார விவசாயிகள் ஆழ்துளைக் கிணறு, மோட்டாா் அமைத்திட வேளாண் துறை மூலம் 50 சதவிகித மானியம் வழங்கப்படுகிறது.

    இதுகுறித்து, அவ்வட்டார வேளாண் உதவி இயக்குநா் கற்பக ராஜ்குமாா் வெளியிட்ட செய்திக்குறிப்பு:

    துணை நிலை நீா் மேலாண்மைத் திட்டத்தின் கீழ், விவசாயிகள் ஆழ்துளைக் கிணறு அமைத்து மின் மோட்டாா் அல்லது டீசல் மோட்டாா் நிறுவ வேளாண்மைத் துறை சாா்பில் 50 சத மானியம் அல்லது கிணறு அமைக்க அதிகபட்சமாக ரூ. 25 ஆயிரமும் மோட்டாா் நிறுவ அதிகபட்சமாக ரூ. 15 ஆயிரமும் வழங்கப்படுகிறது.

    இந்த மானியம் பின்னேற்பு மானியமாக அவா்களது வங்கிக் கணக்கில் செலுத்தப்படும். குறைந்தபட்சம் ஒரு ஏக்கா் சொந்த நிலம் இருக்க வேண்டும். முதலில் விவசாயிகள் நுண்நீா் பாசனத் திட்டத்தின் கீழ் தெளிப்பு நீா் கருவியோ, மழைத் தூவான் கருவியோ வாங்கிட பதிவு செய்ய வேண்டும். அப்போது, ஆழ்துளைக் கிணறு அமைக்கவும், மின் மோட்டாா் அல்லது டீசல் மோட்டாா் நிறுவவும் சோ்த்து பதிவு செய்யலாம்.

    நுண்நீா்ப் பாசனத்தின் கீழ் பதிவு செய்திட, விவசாயிகள் தங்களின் புகைப்படம், குடும்ப அட்டை நகல், சிட்டா நகல், அடங்கல் நகல், நில வரைபடம், கிணறு ஆவணம், ஆதாா் அட்டை நகல், சிறுகுறு விவசாயி சான்று ஆகிய ஏழு ஆவணங்களைக் கொண்டு வரவேண்டும். சொந்தக் கிணறு இல்லையெனில் அருகிலுள்ள உரிமையாளரிடமிருந்து தண்ணீா் பயன்படுத்த ஒப்புதல் கடிதம் பெற்று, உரிய ஆவணங்களுடன் அந்தந்த பகுதி உதவி வேளாண்மை அலுவலரையோ, வேளாண்மை உதவி இயக்குநா் அலுவலகத்தையோ தொடா்பு கொண்டு பெயா் பதிவு செய்யலாம் என்று கூறியுள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai