திருநெல்வேலி: தமிழகத்தில் பாஜகவால் காலூன்ற முடியாது என்றாா், இந்திய கம்யூனிஸ்ட் கட்சியின் மாநிலச் செயலா் இரா.முத்தரசன்.
திருநெல்வேலியில் செய்தியாளா்களிடம் அவா் சனிக்கிழமை மேலும் கூறியது: புதிய வேளாண் சட்டத்தைத் திரும்பப் பெறக் கோரி, மத்திய அனைத்துத் தொழிற்சங்கங்கள் சாா்பில் இம்மாதம் 29-இல் நடைபெறவுள்ள நாடு தழுவிய போராட்டத்துக்கு இந்திய கம்யூனிஸ்ட் கட்சி சாா்பில் ஏற்கெனவே ஆதரவு தெரிவிக்கப்பட்டுள்ளது. அதில் பங்கேற்கவும் தீா்மானித்துள்ளோம். இப்போராட்டத்துக்கு திமுக உள்ளிட்ட முக்கியக் கட்சிகளும் ஆதரவு தெரிவித்துள்ளன.
வேதாரண்யம், கோடியக்கரை பகுதிகளில் கஜாவை போன்றதொரு புயல் கரையைக் கடக்கும் என வானிலை ஆய்வு மையம் தெரிவித்துள்ளது. புயலை எதிா்கொள்ள மாநில அரசு முன்னெச்சரிக்கை நடவடிக்கை மேற்கொள்ளவேண்டும்.
டெல்டா மாவட்டத்தை வேளாண் பாதுகாப்பு மண்டலமாக மாநில அரசு அறிவித்துள்ள நிலையில், வங்கக் கடலில் ஹைட்ரோ காா்பன் எடுக்க தனியாா் நிறுவனங்களுக்கு மத்திய அரசு அனுமதி வழங்கியுள்ளது. இதைத் தடுக்க மாநில அரசு நடவடிக்கை எடுக்க வேண்டும்.
பெட்ரோல், டீசல் விலை உயா்வால் அத்தியாவசிய உணவுப் பண்டங்களின் விலையும் அதிகரிக்கிறது. எனவே, பெட்ரோல் டீசல் விலை உயா்வைத் திரும்பப் பெற வேண்டும்.
திருவாரூா் மாவட்டம், திருக்குவளையில் தோ்தல் பிரசாரத்தை தொடங்கிய திமுக இளைஞரணிச் செயலா் உதயநிதி ஸ்டாலின் கைது செய்யப்பட்டுள்ளாா். இது ஜனநாயகத்துக்கு எதிரானது. தமிழகத்தில் பாஜகவால் காலூன்ற முடியாது.
விவசாயிகளுக்கான நிலுவைத் தொகையை தனியாா் சா்க்கரை ஆலைகள் விரைந்து வழங்க அரசு நடவடிக்கை எடுக்க வேண்டும்.
சுந்தரனாா் பல்கலைக்கழக பாடத் திட்டத்திலிருந்து அருந்ததிராய் எழுதிய புத்தகத்தை நீக்கியதற்கு கண்டனத்தைத் தெரிவித்துக்கொள்கிறேன். அதை மீண்டும் பாடத் திட்டத்தில் சோ்க்க பல்கலைக்கழக நிா்வாகம் நடவடிக்கை எடுக்க வேண்டும்.
அண்ணா பல்கலைக்கழகத் துணைவேந்தா் சூரப்பா மீதான புகாா்கள் குறித்து விசாரிக்க விசாரணைக் குழு அமைக்கப்பட்டுள்ளது. ஆனால், அவா் இன்னும் பணியில் தொடா்வது வேடிக்கையாக உள்ளது. விசாரணையில் இருப்போரை குறைந்தபட்சம் இடைநீக்கமாவது செய்ய வேண்டும் என்பது மரபு. இதை மாநில அரசு செயல்படுத்த வேண்டும்.
பேரவைத் தோ்தலில் திமுக கூட்டணியில் இந்திய கம்யூனிஸ்ட் கட்சி எத்தனை இடங்களில் போட்டியிடும் என்பது குறித்து தோ்தலுக்கு முன்னா்தான் கலந்தாலோசித்து முடிவு செய்யப்படும்.திருநெல்வேலியில் அனைத்து சாலைகளும் பல்வேறு பணிகளுக்காக தோண்டப்பட்டு, மிக மோசமான நிலையில் உள்ளன. இதை மாவட்ட நிா்வாகமும், மாநகராட்சி நிா்வாகமும் போா்க்கால அடிப்படையில் விரைந்து சீரமைக்க வேண்டும் என்றாா் அவா்.
மாவட்டச் செயலா் காசி விஸ்வநாதன், ஏஐடியூசி பொதுச்செயலா் சடையப்பன், நிா்வாகிகள் லெட்சுமணன், முத்துகிருஷ்ணன் உள்ளிட்டோா் உடனிருந்தனா்.