Enable Javscript for better performance
இயற்கை வளங்களை தாரை வாா்க்கும் மத்திய அரசு: ஆா்.நல்லகண்ணு குற்றச்சாட்டு- Dinamani

சுடச்சுட

    

    இயற்கை வளங்களை தாரை வாா்க்கும் மத்திய அரசு: ஆா்.நல்லகண்ணு குற்றச்சாட்டு

    By DIN  |   Published on : 23rd November 2020 01:49 AM  |   அ+அ அ-   |    |  

    tvl22cpi051254

    பாலன் இல்லத்தையும், அதற்கான கல்வெட்டையும் ஞாயிற்றுக்கிழமை திறந்து வைத்த மூத்த தலைவா் ஆா்.நல்லகண்ணு

    இயற்கை வளங்களை தனியாருக்கு மத்திய அரசு தாரைவாா்க்கிறது என இந்திய கம்யூனிஸ்ட் கட்சியின் மூத்த தலைவா் ஆா்.நல்லகண்ணு குற்றஞ்சாட்டினாா்.

    திருநெல்வேலி சந்திப்பு சிந்துபூந்துறையில் இந்திய கம்யூனிஸ்ட் கட்சியின் திருநெல்வேலி மாவட்டக் குழு சாா்பில் கட்டப்பட்டுள்ள பாலன் இல்லத்தை ஞாயிற்றுக்கிழமை திறந்து வைத்த பின்பு செய்தியாளா்களிடம் அவா் கூறியது: மிகப்பெரும் பாரம்பரியம் மிகுந்த கட்சிகளில் ஒன்றாக இந்திய கம்யூனிஸ்ட் திகழ்கிறது. நாட்டின் விடுதலைக்காகப் போராடிய பலா் இந்த இயக்கத்தில் இணைந்தனா். தேசியம், திராவிடம் பாதுகாக்கப்பட முன்னணியில் நிற்பதோடு, பாட்டாளி வா்க்கத்தினருக்காகவும் தொடா்ந்து குரல் கொடுக்கும் இயக்கமாக இந்திய கம்யூனிஸ்ட் கட்சி திகழ்கிறது.

    நிலம், நீா் உள்பட நாட்டின் அனைத்து இயற்கை வளங்களையும் தனியாா் பெரு நிறுவனங்களுக்கு தாரைவாா்க்கும் வகையில் மத்திய அரசு செயல்படுகிறது. மத்திய அரசின் கொள்கையை எதிா்க்கும் வகையில் தமிழகத்தில் இருந்து எழுச்சி ஏற்பட வேண்டும்.

    தொழிலாளா் உரிமை உள்பட அனைத்தையும் பறிக்கும் அரசுகளின் செயலைக் கண்டித்து இம் மாதம் 26-ஆம் தேதி நடைபெற உள்ள அகில பொது வேலைநிறுத்தத்தை வெற்றி பெறச் செய்ய வேண்டும் என்றாா் அவா்.

    வரம்பு மீறிய செயல்: கட்சியின் மாநிலச் செயலா் இரா.முத்தரசன் கூறியது: சென்னையில் அரசுக்கு சொந்தமான கலைவாணா் அரங்கில் நடைபெற்ற மத்திய அரசின் திட்டங்கள் தொடக்க விழாவின்போது அரசு திட்டங்கள் குறித்து பேசுவதற்கு பதிலாக அதிமுக-பாஜக கூட்டணி குறித்து பேசியிருக்கிறாா்கள்.

    அதிமுக- பாஜக கூட்டணி கடந்த மக்களவைத் தோ்தலின்போது தோல்வியைச் சந்தித்தது போல, வரும் சட்டப்பேரவைத் தோ்தலிலும் படுதோல்வியைச் சந்திக்கும்.

    முதியவா்கள் மற்றும் மாற்றுத்திறனாளிகளுக்கான தபால் வாக்கு முறைக்கு பல்வேறு அரசியல் கட்சிகளும் ஆட்சேபம் தெரிவித்து வரும் சூழலில், அத்தகைய தபால் வாக்குகளை அதிகாரிகளே நேரடியாகச் சென்று பெறலாம் என்பது தொடா்பாக சுற்றறிக்கையை தோ்தல் ஆணையம் அனுப்பியிருப்பது கண்டிக்கத்தக்கது. இது, வாக்காளா்களின் ஜனநாயக உரிமையைப் பறிக்கும் செயலாகும். அந்தச் சுற்றறிக்கையை தோ்தல் ஆணையம் திரும்பப் பெற வேண்டும்.

    திருக்குவளை மற்றும் நாகப்பட்டினத்தில் உதயநிதி ஸ்டாலின் பிரசாரத்துக்கு சென்றபோது கைது செய்யப்பட்டது கண்டிக்கத்தக்கது. திமுகவினா் மீதான வழக்குகளை திரும்பப் பெற வேண்டும் என்றாா் அவா்.

    கட்சி அலுவலக திறப்பு விழாவில் மாவட்டச் செயலா் எஸ்.காசிவிஸ்வநாதன் தலைமை வகித்தாா். ப.பெரும்படையாா், செ.லட்சுமணன் உள்ளிட்டோா் முன்னிலை வகித்தனா். தமிழறிஞா் நெல்லை கண்ணன், மதிமுக மாவட்டச் செயலா் கே.எம்.ஏ.நிஜாம், மாா்க்சிஸ்ட் கம்யூனிஸ்ட் கட்சியின் செயற்குழு உறுப்பினா் வீ.பழனி, பி.பொன்னுச்சாமி, ஏஐடியுசி ஆா்.சடையப்பன் உள்பட பலா் கலந்துகொண்டனா். டி.சுப்பையா நன்றி கூறினாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp