வேளாண் சட்டங்களை திரும்பப் பெற வேண்டும் என வலியுறுத்தி தச்சநல்லூரில் காங்கிரஸ் சாா்பில் கையெழுத்து இயக்கம் வியாழக்கிழமை நடைபெற்றது.
தச்சநல்லூரில் சிவன் கோயில் அருகில் நடைபெற்ற இந்த கையெழுத்து இயக்கத்துக்கு கட்சியின் திருநெல்வேலி தச்சநல்லூா் மண்டலத் தலைவா் ஆா்.கெங்கராஜ் தலைமை வகித்தாா். இயக்கத்தை கட்சியின் மாநகா் மாவட்டத் தலைவா் கே.சங்கரபாண்டியன், மாநில பொதுச்செயலா் வானமாமலை ஆகியோா் தொடங்கி வைத்தனா்.
இதில், மேற்கு மாவட்டப் பொருளாளா் முரளி ராஜா, மாநில சிறுபான்மைதுறை ஒருங்கிணைப்பாளா் அ. அமீா்கான், மாநில இளைஞா் காங்கிரஸ் செயலா் அப்துல் ரகுமான் உள்ளிட்டோா் முன்னிலை வகித்தனா். மாநகா் மாவட்டச் செயலா் தச்சை அ.கிருஷ்ணமூா்த்தி, பொதுக்குழு உறுப்பினா் சு. சண்முகவேலன், நிா்வாகிகள் பங்கேற்றனா்.
முன்னாள் குடியரசுத் தலைவா் அப்துல் கலாமின் பிறந்ததினத்தை முன்னிட்டு அவரது படத்துக்கு மாலை அணிவித்து மலா் தூவி மரியாதை செலுத்தப்பட்டது.