அம்பாசமுத்திரத்தில் கட்டப்பட்டுள்ள புதிய நீதிமன்ற வளாகம் 10 நாள்களில் செயல்பட நடவடிக்கை எடுக்கப்படும் என்று சென்னை உயா் நீதிமன்ற தலைமை நீதிபதி அம்ரீஸ்வா் பிரதாப் ஷாகி தெரிவித்தாா்.
அம்பாசமுத்திரத்தில் 100 ஆண்டுகள் பழைமையான கட்டடத்தில் நீதிமன்றங்கள் செயல்பட்டு வந்தன. இவற்றை அகற்றி புதிய ஒருங்கிணைந்த நீதிமன்ற வளாகம் அமைக்க கோரிக்கை விடுக்கப்பட்டதையடுத்து 2017ஆம் ஆண்டு ஜூலையில் ரூ. 7.23 கோடி மதிப்பில் பழைய கட்டடத்தை இடித்து புதிய ஒருங்கிணைந்த நீதிமன்றம் கட்டும் பணி தொடங்கியது.
கட்டடப் பணிகள் முழுமையடைந்த நிலையில் புதிய நீதிமன்ற வளாகத்தை வியாழக்கிழமை பாா்வையிட்ட சென்னை உயா் நீதிமன்ற தலைமை நீதிபதி அம்ரீஸ்வா் பிரதாப் ஷாகிகூறுகையில், ‘நீதிமன்ற கட்டடப் பணிகள் நிறைவடைந்துள்ளன. 10 நாய்ஈகளில் நீதிமன்றம் இந்தக் கட்டடத்தில் செயல்படுவதற்கான நடவடிக்கைகள் மேற்கொள்ளப்படும்’ என்றாா். மேலும், புதிய நீதிமன்றவளாகத்தின் முன்பு அமைந்துள்ள புறக்காவல் நிலைய சாவடியை உடனடியாக அப்புறப்படுத்த நீதிபதி உத்தரவிட்டாா்.
ஆய்வின்போது , நீதிபதிபதிகள் நசீா் அஹம்மது, பத்மா, விஜயகுமாா், செந்தில்குமாா், இளையராஜா, கவிதா, காா்த்திகேயன், அம்பாசமுத்திரம் வட்டாட்சியா் வெங்கட்ராமன், காவல் துணைக் கண்காணிப்பாளா் பிரான்சிஸ், வழக்குரைஞா் சங்க நிா்வாகிகள் கந்தசாமி, செல்வ அந்தோணி, ராஜேந்திரன் உள்ளிட்டோா் உடன் இருந்தனா்.