சுந்தரனாா் பல்கலை.யில் தொலைநிலை கல்வி இயக்ககமாணவா் சோ்க்கை தொடக்கம்

திருநெல்வேலி: திருநெல்வேலி மனோன்மணீயம் சுந்தரனாா் பல்கலைக்கழகத்தில் செயல்பட்டுவரும் தொலைநிலை கல்வி இயக்ககத்தில் மாணவா் சோ்க்கை தொடங்கியுள்ளதாக பல்கலைக்கழக பதிவாளா்(பொறுப்பு) க.செந்தாமரைக்கண்ணன் தெரிவித்துள்ளாா்.

இதுகுறித்து அவா் வெளியிட்டுள்ள செய்திக்குறிப்பு: சுந்தரனாா் பல்கலைக்கழக தொலைநெறித் தொடா் கல்வி இயக்ககத்தில் மாணவா் சோ்க்கையானது, பல்கலைக்கழக மானியக் குழுவின் தொலைநிலை கல்விக் குழு அனுமதியுடன் நடைபெற்று வருகிறது. தற்போது 2020-2021 கல்வியாண்டுக்கான மாணவா் சோ்க்கை நடைபெற்று வருகிறது. இதில் சேர விரும்பும் மாணவா்கள் இப்பல்கலைக்கழகத்தின் நேரடி சோ்க்கை மையங்களான, அபிஷேகப்பட்டி பல்கலைக்கழக வளாகம், நாகா்கோவில் மாடரேட்டா் ஞானதாசன் பாலிடெக்னிக் கல்லூரி வளாகம் மற்றும் கோவிந்தப்பேரி-சேரன்மகாதேவி, புளியங்குடி, திசையன்விளை, பணகுடி, கடையநல்லூா், சங்கரன்கோவில், நாகலாபுரம், நாகம்பட்டி, பால்குளம்-கன்னியாகுமரி ஆகிய பகுதிகளில் அமைந்துள்ள சுந்தரனாா் பல்கலைக்கழகக் கல்லூரிகளிலும், மற்றும் தொலைநெறி தொடா்கல்வி இயக்ககத்தின் அங்கீகாரம் பெற்ற கல்லூரிகளிலும் கணினி வாயிலாக நடைபெற்று வரும் சோ்க்கையில் பங்கேற்கலாம்.

மேலும், ஜ்ஜ்ஜ்.ம்ள்ன்ய்ண்ஸ்.ஹஸ்ரீ.ண்ய்/ஈண்ள்ற்ஹய்ஸ்ரீங்-உக்ன்ஸ்ரீஹற்ண்ா்ய் என்ற பல்கலைக்கழக இணையதளத்தின் மூலமாகவும் விண்ணப்பிக்கலாம். தொலைநிலை கல்வி இயக்ககத்தில் சேர கடைசித் தேதி வரும் அக்டோபா் மாதம் 31-ஆம் தேதி ஆகும்.