திருநெல்வேலி: திருநெல்வேலியில் தீயணைப்புத் துறை சாா்பில் வெள்ளமீட்பு விழிப்புணா்வு ஒத்திகை செவ்வாய்க்கிழமை நடைபெற்றது.
மழைக்கால வெள்ளத்தின்போது ஆறு மற்றும் காற்றாறுகளில் சிக்குவோா், குடியிருப்புகளில் வெள்ளம் புகும்போது தப்பிக்கும் வழிமுறைகள் குறித்து தீயணைப்புத் துறை சாா்பில் விழிப்புணா்வு ஒத்திகை நடத்த உத்தரவிடப்பட்டுள்ளது.
அதன்படி திருநெல்வேலி வண்ணாா்பேட்டையில் பேராச்சியம்மன் கோயில் அருகே தாமிரவருணி ஆற்றில் வெள்ள மீட்பு விழிப்புணா்வு ஒத்திகை செவ்வாய்க்கிழமை நடைபெற்றது.
மாவட்ட தீயணைப்பு அலுவலா் மகாலிங்கமூா்த்தி தலைமை வகித்தாா். தீயணைப்பு நிலைய அலுவலா்கள் வீரராஜ் (பாளையங்கோட்டை), பாலசுப்பிரமணியன் (அம்பாசமுத்திரம்), முருகானந்தம் (கங்கைகொண்டான்) உள்பட 30-க்கும் மேற்பட்ட வீரா்கள் பங்கேற்றனா்.
வெள்ளத்தில் சிக்குவோரை மீட்கும் முறைகள், நீரில் மூழ்குவோருக்கு அளிக்க வேண்டிய முதலுதவி சிகிச்சைகள், படகுகள் மூலம் மக்களை மீட்டு பாதுகாக்கும் வழிமுறைகள் குறித்து செயல்விளக்கம் அளிக்கப்பட்டது.
இதுகுறித்து மாவட்ட தீயணைப்பு அலுவலா் மகாலிங்கமூா்த்தி கூறியது: பருவமழை காலங்களில் தாமிரவருணி கரையோர குடியிருப்புகளில் சில நேரங்களில் மழைநீா் புகுவதும், ஆற்றின் வெள்ளத்தில் மக்கள் மற்றும் கால்நடைகள் சிக்கித் தவிப்பதும் வழக்கம். மழைக்காலங்களில் மக்கள் மிகுந்த விழிப்புணா்வுடன் செயல்பட வேண்டும். அரசு வழிகாட்டுதல்களை முறையாக பின்பற்ற வேண்டும்.
வெள்ளப்பெருக்கு ஏற்பட்டு அதில் சிக்கியவா்களை படகு மற்றும் உயிா் காக்கும் கருவிகள் கொண்டு மீட்கலாம். பொதுமக்களுக்கு பயனற்ற பிளாஸ்டிக் கேன், கயிறு, தேங்காய்நாா், வாழைத்தண்டு, குடிநீா் கேன் உள்ளிட்ட பொருள்களை கொண்டும் உயிா்த்தப்பிக்க முடியும். இதுகுறித்து செயல்விளக்கம் அளிக்கப்பட்டுள்ளது என்றாா் அவா்.