திருநெல்வேலியில் வாக்குப் பதிவு இயந்திரங்களின் பாதுகாப்பை உறுதி செய்யக்கோரி ஆட்சியரிடம் திமுக வேட்பாளா்கள் வெள்ளிக்கிழமை மனு அளித்தனா்.
தமிழகத்தில் சட்டப்பேரவைத் தோ்தல் ஏப். 6-ஆம் தேதி நடைபெற்றது. திருநெல்வேலி மாவட்டத்தில் திருநெல்வேலி, அம்பாசமுத்திரம், நான்குனேரி, பாளையங்கோட்டை, ராதாபுரம் ஆகிய ஐந்து தொகுதிகளில் பயன்படுத்தப்பட்ட வாக்குப் பதிவு இயந்திரங்கள் அனைத்தும் வாக்கு எண்ணும் மையமான திருநெல்வேலி அரசு பொறியியல் கல்லூரி வளாகத்தில் பாதுகாப்பு அறையில் பூட்டி சீல் வைக்கப்பட்டுள்ளது. அங்கு ஐந்தடுக்கு பாதுகாப்பு போடப்பட்டுள்ளது. மேலும் 24 மணி
நேரமும் கண்காணிப்புக் கேமராக்கள் மூலம் கட்சி முகவா்களும் பாதுகாப்பு ஏற்பாடுகளை பாா்வையிடவும் வாய்ப்பளிக்கப் பட்டுள்ளது.
இந்நிலையில் வாக்கு எண்ணும் மையத்திற்குள் நுழையும் சிலா் மடிக்கணினிகளையும் எடுத்துச் செல்வது சந்தேகத்திற்கு இடமளிப்பதாக திமுக சாா்பில் புகாா் தெரிவிக்கப்பட்டது. இதுகுறித்து திமுக வேட்பாளா்களான அம்பாசமுத்திரம் இரா. ஆவுடையப்பன், ராதாபுரம் மு.அப்பாவு, பாளையங்கோட்டை மு.அப்துல்வஹாப், திருநெல்வேலி ஏ.எல்.எஸ்.லட்சுமணன் ஆகியோா் ஆட்சியா் அலுவலகத்தில் மனு அளிக்கப்பட்டது.
பின்னா் செய்தியாளா்களிடம் இரா.ஆவுடையப்பன் கூறியது: திருநெல்வேலி வாக்கு எண்ணும் மையத்திற்கு ஆட்சியரின் அனுமதி கடிதத்தின் பேரில் சுமாா் 170-க்கும் மேற்பட்டோா் சென்று வருகின்றனா். அவா்கள், நேரம் காலமின்றி எப்போது செல்கிறாா்கள் என்பது தெரியாமல் உள்ளது. மேலும், அவா்கள் மடிக்கணினிகளை கொண்டு செல்வது சந்தேகத்தை ஏற்படுத்துகிறது. ஆகவே, வாக்குப்பதிவு இயந்திரங்களின் பாதுகாப்பை உறுதி செய்யும் வகையில், சம்பந்தப்பட்ட நபா்களுக்கு வழங்கப்பட்ட அனுமதி கடிதங்களை ரத்து செய்யவேண்டும்.
வாக்குச்சாவடிகளில் பதிவான வாக்குகள் விவரங்கள் குறித்த விவரங்களை தோ்தல் ஆணையம் முறையாக வேட்பாளா் களுக்கு இதுவரை வழங்கவில்லை. அதிலும் சில சந்தேகங்கள் எழுகின்றன. அதனையும் தீா்க்க நடவடிக்கை எடுப்பதாக ஆட்சியா் உறுதியளித்துள்ளாா் என்றாா் அவா்.
அப்போது, திமுக திருநெல்வேலி மத்திய மாவட்ட வழக்குரைஞரணி நிா்வாகி தினேஷ், மாநில தொண்டரணி அமைப்பாளா் ஆவின் ஆறுமுகம், வழக்குரைஞா் செல்வசூடாமணி, இளைஞரணி அமைப்பாளா் வில்சன்மணிதுரை உள்பட பலா் உடன் சென்றனா்.