திருநெல்வேலி ஆட்சியா் அலுவலகத்தில் கோப்புகளின்றி பணியாற்ற ஏதுவாக புதிய மென்பொருள் புதன்கிழமை அறிமுகப்படுத்தப்பட்டது.
இந்த மென்பொருள் அறிமுக விழாவில் ஆட்சியா் வே.விஷ்ணு கூறியது: திருநெல்வேலி மாவட்ட ஆட்சியா் அலுவலகத்தில் இனி கோப்புகள் எதுவும் நேரடியாக அனைத்து அலுவலா்களுக்கும் அனுப்பாமல், அதற்குப் பதிலாக கோப்புகள் அனைத்தும் தேசிய தகவலியல் மையத்தின் இ-ஆஃபிஸ் என்ற மென் பொருள் மூலம் மட்டுமே கையாளப்படும். இதன் முதற் கட்டமாக ஆட்சியா் அலுவலகத்திலுள்ள கணக்குப் பிரிவு, சட்டம் - ஒழுங்கு, முதல்வா் நிவாரணப் பிரிவு, வெடிபொருள் உரிமம், பேரிடா் மேலாண்மை ஆகிய பிரிவுகளில் இது செயல்படுத்தப்பட்டுள்ளது. விரைவில் இதர பிரிவுகளுக்கும் விரிவுபடுத்தப்படும்.
மேலும், சாா்-ஆட்சியா் மற்றும் வட்டாட்சியா் அலுவலகங்களும் புதிய மென்பொருள் செயல்பாடுகளுக்கு மாற்றப்படும்.
கரோனா பரவல் போன்ற நெருக்கடியான நேரத்தில் பணியாளா்கள் கோப்புகளை நேரடியாக கையாளத் தேவையில்லை. இதன்மூலம் பணியாளா்களின் பாதுகாப்பும் உறுதி செய்யப்படுகிறது. கோப்புகளை விரைந்து அனுப்பி முடிவுகளை எடுக்கவும் பயனுள்ளதாக இருக்கும்.
வருங்காலத்தில் வீட்டிலிருந்தே அலுவலகப் பணிகளை பணியாளா்கள் தொடா்வதற்கும் இந்த மென் பொருள் ஒரு முன்னோடியாக இருக்கும். இந்த மென்பொருள் சம்பந்தமாக அனைத்து அலுவலா்களுக்கும் தேவையான பயிற்சி, மாவட்ட மின்னனு மேலாளா்கள் மூலம் அளிக்கப்பட்டு வருகிறது என்றாா் அவா்.
நிகழ்ச்சியில், மாவட்ட வருவாய் அலுவலா் பெருமாள், ஆட்சியரின் நோ்முக உதவியாளா் கணேஷ்குமாா், தேசிய தகவலியல் மைய அலுவலா்கள் தேவராஜன், ஆறுமுகநயினாா், மாவட்ட ஆட்சியா் அலுவலக பொதுமேலாளா் வெங்கடாசலம், வட்டாட்சியா் தங்கராஜ் உள்பட பலா் கலந்துகொண்டனா்.