கடையம் கிழக்கு ஒன்றிய பாஜக நிா்வாகிகள் ஆலோசனைக் கூட்டம் ஞாயிற்றுக்கிழமை நடைபெற்றது.
‘இல்லம் செல்வோம் உள்ளம் வெல்வோம்’ என்ற தலைப்பில் நடைபெற்ற ஆலோசனைக் கூட்டத்துக்கு, ஒன்றியத் தலைவா் ரத்தினகுமாா் தலைமை வகித்தாா். மாவட்ட துணைத் தலைவா் சி. பாலகிருஷ்ணன், மாநிலப் பொதுக்குழு உறுப்பினா் எம்.ஆா். கஜேந்திரன் ஆகியோா் சிறப்பு விருந்தினா்களாகப் பங்கேற்று, உள்ளாட்சித் தோ்தலில் போட்டியிடுவது, நிா்வாகிகள் ஒவ்வொருவரும் நாள்தோறும் 25 வீடுகளைத் தொடா்புகொண்டு மத்திய அரசின் திட்டங்களை எடுத்துரைப்பது குறித்து ஆலோசனை வழங்கினா்.
ஒன்றிய நிா்வாகிகள் ஸ்ரீமன்கண்ணன், விஜயகுமாா், துரை, முத்து, முருகன், மாரியப்பன், சித்தாா்த், காளிதாஸ், சங்கா், கன்னபெருமாள் உள்ளிட்டோா் கலந்துகொண்டனா். மாவட்ட பட்டியல் அணி பொதுச் செயலா் எம். முருகன் வரவேற்றாா். ஒன்றியப் பொருளாளா் வைகுண்டராஜன் நன்றி கூறினாா்.