பாஜக பிரமுகா் கல்யாணராமனை தேசிய பாதுகாப்பு சட்டத்தில் கைது செய்ய வலியுறுத்தி திருநெல்வேலியில் போராட்டத்தில் ஈடுபட்ட முஸ்லிம் அமைப்புகளைச் சோ்ந்த 87 பெண்கள் உள்பட 350 பேரை புதன்கிழமை போலீஸாா் கைது செய்தனா்.
நபிகள் நாயகம் குறித்து அவதூறாகப் பேசிய பாஜக பிரமுகா் கல்யாணராமனை கண்டித்தும், அவரை தேசிய பாதுகாப்பு சட்டத்தில் கைது செய்ய வலியுறுத்தியும் திருநெல்வேலியில் உள்ள பல்வேறு முஸ்லிம் அமைப்புகள் சாா்பில் ஆட்சியா் அலுவலகத்தை புதன்கிழமை முற்றுகையிடப் போவதாக அறிவிக்கப்பட்டிருந்தது.
அதன்படி, மனிதநேய மக்கள் முன்னேற்றக கழக நிறுவனா் பாளையங்கோட்டை ரபீக், திமுக மேலப்பாளையம் பகுதி செயலா் அப்துல் கயூம், இந்திய தேசிய லீக் கட்சி நிா்வாகி ஷேக் ஹயாத், தமுமுக அப்பாஸ் கில்மி, தமிழக வாழ்வுரிமை கட்சியைச் சோ்ந்த அய்யாவழி பாலமுருகன் ஆகியோா் தலைமையில் ஏராளமானோா் திருநெல்வேலி கொக்கிரகுளம் பகுதியில் திரண்டனா்.
பின்னா் அவா்கள் அனைவரும் ஆட்சியா் அலுவலகத்தை முற்றுகையிடுவதற்காக அங்கிருந்து புறப்பட்டனா். இதையடுத்து அவா்களை போலீஸாா் தடுத்து நிறுத்தினா். இதனால், கொக்கிரகுளம் பிரதான சாலையில் போராட்டத்தில் ஈடுபட்டனா்.
இதையடுத்து போராட்டத்தில் ஈடுபட்டதாக 87 பெண்கள் உள்பட 350 பேரை போலீஸாா் கைது செய்தனா்.