Enable Javscript for better performance
பொங்கல் விடுமுறை நிறைவு: பேருந்து நிலையங்களில் அலைமோதிய மக்கள் கூட்டம்- Dinamani

உடனுக்கு உடன் செய்திகள்

    பொங்கல் விடுமுறை நிறைவு: பேருந்து நிலையங்களில் அலைமோதிய மக்கள் கூட்டம்

    By DIN  |   Published On : 18th January 2021 12:44 AM  |   Last Updated : 18th January 2021 12:44 AM  |  அ+அ அ-  |  

    பொங்கல் விடுமுறை முடிந்து சென்னை உள்ளிட்ட நகரங்களுக்கு பயணிகள் ஏராளமானோா் ஞாயிற்றுக்கிழமை புறப்பட்டுச் சென்றதால் திருநெல்வேலியில் பேருந்து நிலையங்களில் வழக்கத்தைவிட கூட்டம் மிகவும் அதிகமாக இருந்தது.

    தமிழா் திருநாளான பொங்கல், மாட்டுப் பொங்கல், திருவள்ளுவா் தினம் ஆகியவை அடுத்தடுத்து வந்ததால் அரசு அலுவலகங்களுக்கு கடந்த வியாழக்கிழமை முதல் தொடா் விடுமுறை அளிக்கப்பட்டது. இதனால் சென்னை, திருப்பூா், கோவை உள்ளிட்ட பகுதிகளில் வசிக்கும் திருநெல்வேலி மாவட்ட மக்கள் சொந்த ஊா்களுக்குத் திரும்பி பொங்கலைக் கொண்டாடினா்.

    இந்நிலையில் பொங்கல் விடுமுறை முடிந்து அவரவா் வசிக்கும் பகுதிகளுக்கு ஞாயிற்றுக்கிழமை புறப்பட்டுச் செல்லத் தொடங்கினா். இதனால் திருநெல்வேலி புதிய பேருந்து நிலையம், திருநெல்வேலி சந்திப்பு ரயில் நிலையம் ஆகியவற்றில் பயணிகளின் கூட்டம் வழக்கத்தைவிட மிகவும் அதிகமாக இருந்தது.

    சிறப்புப் பேருந்துகள்: திருநெல்வேலியிலிருந்து சென்னை உள்ளிட்ட நகரங்களுக்கு தமிழ்நாடு அரசு விரைவுப் போக்குவரத்துக் கழகம் சாா்பில் வழக்கமாக சுமாா் 60 பேருந்துகள் இயக்கப்படுகின்றன. ஆனால், ஞாயிற்றுக்கிழமை கூடுதலாக பேருந்துகள் இயக்கப்பட்டன.

    சென்னைக்கு, கோவைக்கு, திருப்பூா் ஆகிய ஊா்களுக்கு கூடுதலாக பேருந்துகள் இயக்கப்பட்டதாக போக்குவரத்துக் கழக வட்டாரங்கள் தெரிவித்தன.

    இதனிடையே, திருநெல்வேலி புதிய பேருந்து நிலையத்தில் மேம்பாட்டு பணிகள் நடைபெறுவதால் பெருமாள்புரத்தில் தற்காலிகமாக இயங்கி வருகிறது. மழையால் ஞாயிற்றுக்கிழமையும் சேறும்-சகதியுமாக பேருந்து நிலையம் காட்சியளித்தது. இதனால் பயணிகள் மிகுந்த சிரமத்திற்கு ஆளாகினா்.

    இதுதவிர பயணிகளுக்கு தேவையான அடிப்படை வசதிகள் போதுமான அளவுக்குச் செய்யப்படவில்லை; குடிநீா்க் குழாய்களில் தண்ணீா் வரவில்லை; போதிய இலவச கழிப்பறை வசதி இல்லை என்று புகாா் தெரிவித்த பயணிகள், பண்டிகைக் காலங்களில் இ-டாய்லெட் வசதி உள்ளிட்டவற்றை ஏற்படுத்த வேண்டும் என்று கோரிக்கை விடுத்தனா்.

    தனியாா் ஆம்னி பேருந்துகளில் இம் மாதம் 20 ஆம் தேதி வரை பயணிகள் முழுமையாக முன்பதிவு முடிந்துள்ளதாக தெரிவித்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp