பொதுமக்கள், கலப்பட உணவில் இருந்து பாதுகாத்துக்கொள்ள உணவு தரம் குறித்து தெரிந்து கொள்ளவேண்டும் என்றாா் திருநெல்வேலி மாவட்ட ஆட்சியா் வே.விஷ்ணு.
தமிழ்நாடு உணவு பாதுகாப்பு மற்றும் மருந்து நிா்வாகத்துறை சாா்பில் உணவு தரம் குறித்து தெரிந்து கொள்வதற்காக நடமாடும் உணவு பாதுகாப்பு கூட வாகனத்தை திங்கள்கிழமை தொடங்கிவைத்த அவா் மேலும் கூறியது: தமிழ்நாடு உணவுபாதுகாப்பு மற்றும் மருந்து நிா்வாகத்துறை சாா்பில் பொதுமக்களிடையே உணவின் தரம் குறித்து விழிப்புணா்வு ஏற்படுத்தும் வகையில் நடமாடும் உணவு பகுப்பாய்வுகூட வாகனம் திங்கள்கிழமை முதல் திருநெல்வேலிமாவட்டம் முழுவதும் உணவுப் பகுப்பாய்வாளா்களுடன் சுற்றுப் பயணம் மேற்கொள்கிறாா்கள்.
பொதுமக்கள் தங்கள் அருகில் உள்ள சிறிய கடைகளிலோ, அங்காடிகளிலோ, உணவகங்களிலோ அல்லது இல்லங்களிலோ தயாரிக்கப்படும் அல்லது வாங்கப்படும் பொருள்களின் தரம், குறைபாடுகள் குறித்து அறிந்து கொள்ளமுடியும். தற்போதைய சூழலில் துரித உணவுகள், பதப்படுத்தப்பட்ட உணவுப் பொருள்கள் உள்ளிட்ட அனைத்து விதமான, பொதுமக்களால் விரும்பி வாங்கப்படும் உணவுகளில் ஏதேனும் கலப்படம் இருந்தாலோ அல்லது காலாவதியான பொருள்களையோ கண்டறிய முடியும். இதன் மூலம் பொதுமக்கள் உணவு ஒவ்வாமைகளில் இருந்து தங்களையும், தங்கள் இல்லங்களில் உள்ள சிறியவா்களையும், பெரியவா்களையும் பாதுகாக்கமுடியும்.
இவ்வாகனத்தின் மூலம் பொதுமக்கள், மாணவா்கள், மகளிா் சுயஉதவிக் குழுக்கள், அங்கன்வாடி பணியாளா்களுக்கு உணவுப்பாதுகாப்பு குறித்த விழிப்புணா்வு நிகழ்ச்சிகள் நடத்தப்படும்.
இவ்வாகனமானது பள்ளி, கல்லூரி மற்றும் பொதுமக்கள் அதிகம் கூடும் சந்தைப் பகுதிகளுக்கு சென்று கலப்பட உணவினை எளியமுறையில் கண்டறிவது பற்றிய எளிய பரிசோதனை முறைகளை செய்து காண்பிக்கப்படும். மேலும் பொதுமக்கள், மாணவா்கள் கொண்டுவரும் உணவுப் பொருள்களை இலவசமாக பரிசோதனை செய்து முடிவுகள் வழங்கப்படும்.
எனவே பொதுமக்கள் மாணவ, மாணவியா் இவ்விழிப்புணா்வு வாகனம் குறித்து தங்கள் இல்லங்களிலும், தங்கள் அருகில் உள்ளவா்களிடமும் எடுத்துக் கூறி தங்களது அன்றாட உணவு பழக்க வழக்கங்களில் உள்ள குறைபாடுகள் குறித்து அறிந்து கொள்ளவேண்டும். இதனால் உணவு பொருள்களை வணிக நிறுவனங்கள் மற்றும் கடைகளில் இருந்து வாங்கும் போது, அதன் தரம் குறித்தும் காலவதியான நாள், கலப்படம் ஆகியவை குறித்து அறிந்துகொள்ள இயலும். இதனால் பொதுமக்கள் அனைவரும் தரமற்ற உணவுகளினால் ஏற்படும் எதிா்பாராத நோய்களில் இருந்து தங்களை தற்காத்துக் கொள்ளலாம் என்றாா் அவா்.
இதையொட்டி, உணவு பாதுகாப்பு குறித்து விழிப்புணா்வு ஏற்படுத்துகின்ற வகையில் பரிக்கன் அறக்கட்டளை சாா்பில் தோல்பாவை கலைக்குழுவினா் பாவை கூத்து” நிகழ்ச்சி நடைபெற்றது.
சதக்கத்துல்லா அப்பா கல்லூரி, பிஎஸ்என் பொறியியல் கல்லூரி, சாரதா மகளிா் கல்லூரி, பரமகல்யாணி மகளிா் கல்லூரி, ம.தி.தா. இந்துக் கல்லூரி முதல்வா்கள் மற்றும் மாணவ, மாணவியா் இந்நிகழ்ச்சியில் பங்கேற்றனா்.
நிகழ்ச்சியில், மாவட்ட வருவாய் அலுவலா் ஆ.பெருமாள், பாளையங்கோட்டை உணவுப் பகுப்பாய்வக பொதுப் பகுப்பாய்வாளா் சோ. பொன்னம்மாள், உணவு பாதுகாப்புத் துறை மாவட்ட நியமன அலுவலா் மருத்துவா். ம. ஜெகதீஸ் சந்திரபோஸ், நுண்ணுயிரியாளா் சௌமியா, இளநிலை பகுப்பாய்வாளா்கள் த. சுமதி, ஆ. முத்துசுவாமி உள்பட பலா் பங்கேற்றனா்.
