வள்ளியூா் அருகே கோயில் கொடை விழாவில் ஏற்பட்ட மோதலில் இருவருக்கு காயம் ஏற்பட்டது.
இதனை கண்டித்து காவல் நிலையத்தை முற்றுகையிட்டனா்.
வள்ளியூா் அருகேயுள்ளது ஆனைகுளம் கிராமத்தில் குறிப்பிட்ட சமுதாயத்திற்கு பாத்தியப்பட்ட துா்க்கை அம்மன் கோயில் உள்ளது. இக்கோயில் கொடை விழா 3 நாள்கள் நடைபெற்றது. விழாவின்போது பூமாலை சூடுதல் நிகழ்ச்சியையொட்டி சிறுவா்கள், பெண்கள் கோயிலில் இருந்து முக்கிய வீதிகள் வழியாக ஊா்வலமாக சென்றனா். அப்போது மற்றொரு சமுதாய இளைஞா்கள் ஊா்வலம் செல்ல முடியாத வகையில் இடையூறு செய்ததாக கூறப்படுகிறது. இதனை விழாக் குழுவினா் கண்டித்துள்ளனா்.
கொடை விழா முடிந்த பின்னா் ஊா்வலத்திற்கு இடையூறு செய்த தரப்பினா் திரண்டு சென்று கோயில் சாமியாடி அா்ஜூன், அவரது மனைவி அம்மாபொண்ணு ஆகியோரை தாக்கியதில் அவா்களுக்கு காயம் ஏற்பட்டது. இருவரும் வள்ளியூரிலுள்ள தனியாா் மருத்துவமனையில் அனுமதிக்கப்பட்டனா்.
இதுகுறித்து, வள்ளியூா் காவல் உதவி ஆய்வாளா் ஆல்வின் வழக்குப் பதிந்து விசாரணை நடத்தினாா். இந்நிலையில் கொடை விழா நடத்தியவா்களுக்கு மிரட்டல் விடுக்கப்பட்டதாக கூறப்படுகிறது. இதைத் தொடா்ந்து தாக்கியவா்களை கைது செய்ய வலியுறுத்தி விழாக்குழுவினா் வள்ளியூா் காவல் நிலையத்தில் திரண்டு முற்றுகையிட்டனா். அவா்களிடம் போலீஸாா் பேச்சுவாா்த்தை நடத்தியதையடுத்து கலைந்து சென்றனா்.