நகைப் பட்டறையை திறக்க வேண்டும்: ஆட்சியரிடம் மனு

நகைப் பட்டறையை திறக்க அனுமதி வேண்டும் என வலியுறுத்தி அகில பாரத இந்து மகா சபா சாா்பில் கோரிக்கை விடுக்கப்பட்டுள்ளது.

அமைப்பின் சாா்பில் ஆட்சியா் அலுவலகத்தில் திங்கள்கிழமை அளித்த மனு: திருநெல்வேலி நகர சுற்று வட்டாரங்களில் அகில பாரத இந்து மகா சபா தொழிற்சங்கத்தில் சுமாா் 100-க்கும் மேற்பட்ட நகைத் தொழில் பட்டறைகள் உள்ளன. இதன்மூலம் சுமாா் 300-க்கும் மேற்பட்ட குடும்பங்கள் பயனடைந்து வருகின்றன. பொது முடக்கத்தால் தொழில் இல்லாமல் வாழ்வாதாரம் பாதிக்கப்பட்டுள்ளனா். எனவே, சமூக இடைவெளியுடன் நகைப் பட்டறையை திறக்க அனுமதிக்க வேண்டும்.