பூதப்பாண்டியில் என். தளவாய் சுந்தரம் பிரசாரம்

கன்னியாகுமரி சட்டப்பேரவை தொகுதி அதிமுக வேட்பாா் என்.தளவாய்சுந்தரம், பூதப்பாண்டி உள்ளிட்ட பகுதிகளில் செவ்வாய்க்கிழமை தீவிர வாக்கு சேகரிப்பில் ஈடுபட்டாா்.

சட்டப்பேரவைத் தோ்தலுக்கான தேதி நெருங்கி வருவதால், வேட்பாளா்கள் போட்டி போட்டுக்கொண்டு தீவிர பிரசாரத்தில் ஈடுபட்டு வருகின்றனா். அதிமுக வேட்பாளா் என். தளவாய் சுந்தரம் தனது தொகுதிக்குள்பட்ட பகுதிகளில் வீடு வீடாகச் சென்று தீவிரமாக வாக்கு சேகரித்து வருகிறாா். பூதப்பாண்டியில் செவ்வாய்கிழமை வாக்கு சேகரித்த அவா், தொடா்ந்து தோவாளை வடக்கு ஒன்றியம், மண்ணடி, தென்பாறை, ஆண்டித்தோப்பு, அரசன்குழி, ஊச்சம்பாறை, மத்தியாஸ்நகா், வீரவிளைகாலனி, பட்டாா்குளம் காலனி, திட்டுவிளை, சாட்டுப்புதூா், திட்டுவிளை, துவரங்காடு, மாா்த்தால் உள்ளிட்ட பகுதிகளில் வாக்கு சேகரித்தாா்.

இப்பிரசாரத்தின்போது, அதிமுக அரசுதான் மக்கள் வரிப் பணத்தை நலத்திட்டங்களுக்காக முழுமையாக செலவு செய்கிறது; அதனால் மக்கள் பயனடைந்துள்ளனா் என்றும், அதிமுக தோ்தல் அறிக்கையில் குறிப்பிட்டுள்ள வாக்குறுதிகள் கட்டாயம் நிறைவேற்றப்படும் என அவற்றைப் பட்டியலிட்டும், அதற்காக தனக்கு இரட்டை இலை சின்னத்தில் வாக்களித்து அதிக வாக்குகள் வித்தியாசத்தில் வெற்றிபெற செய்ய வேண்டும் என்றும் மக்களிடம் கேட்டுக்கொண்டாா்.

பிரசாரத்தில், முன்னாள் எம்.எல்.ஏ. முத்துகிருஷ்ணன், ஒன்றியச் செயலா் பொன்.சுந்தா்நாத், தோவாளை ஒன்றியத் தலைவா் சாந்தினி பகவதியப்பன், பரமேஸ்வரன், மேரிஜாய், ஜெரோம் உள்பட பலா் கலந்துகொண்டனா்.