Enable Javscript for better performance
கரோனா தடுப்பூசி மீதான அச்சத்தை போக்க வேண்டும்: மக்கள் பிரதிநிதிகள் வலியுறுத்தல்- Dinamani

சுடச்சுட

    

    கரோனா தடுப்பூசி மீதான அச்சத்தை போக்க வேண்டும்: மக்கள் பிரதிநிதிகள் வலியுறுத்தல்

    By DIN  |   Published on : 27th May 2021 06:17 AM  |   அ+அ அ-   |    |  

    கிராம மக்களிடம் கரோனா தடுப்பூசி குறித்து நிலவி வரும் அச்சத்தைப் போக்கும் வகையில் விழிப்புணா்வை அரசு அதிகரிக்க வேண்டும் என ஆய்வுக் கூட்டத்தில் வலியுறுத்தப்பட்டது.

    கரோனா நோய் தடுப்பு நடவடிக்கைகள் முன்னேற்றம் குறித்த ஆய்வுக் கூட்டம் திருநெல்வேலி ஆட்சியா் அலுவலகத்தில் புதன்கிழமை நடைபெற்றது. இக் கூட்டத்தில் மக்கள் பிரதிநிதிகள் பங்கேற்று பேசியதாவது:

    சட்டப்பேரவைத் தலைவா் அப்பாவு: கரோனாவை கண்டு மக்கள் பயப்பட வேண்டாம். அது உயிா்க்கொல்லி நோய் அல்ல. அதைக் கட்டுப்படுத்த வழிகள் உள்ளன என முதல்வா் மு.க.ஸ்டாலின் நம்பிக்கை தெரிவித்துள்ளாா். அவரது நம்பிக்கைக்கு முக்கிய காரணம் தமிழக சுகாதாரத் துறையும், தியாகத்தோடு பணியாற்றும் மருத்துவா்கள் உள்ளிட்டோரும்தான். அதனால்தான் முன்கள பணியாளா்களாகத் திகழ்வோரை தட்டிக்கொடுத்து, அவா்களின் தேவைகளை உடனுக்குடன் தீா்த்து ஊக்கப்படுத்தி பணி செய்ய வைக்கிறாா்கள். கரோனாவை கட்டுப்படுத்த மக்கள் முழு ஒத்துழைப்பு அளிக்க வேண்டும். ஒருங்கிணைந்த மாவட்டமாக திருநெல்வேலி இருந்தபோது, தென்காசியில் மாவட்ட தலைமை அரசு மருத்துவமனை செயல்பட்டது. இப்போது, மாவட்டங்கள் பிரிக்கப்பட்டுவிட்டதால், வள்ளியூரில் மாவட்ட தலைமை அரசு மருத்துவமனையும், சுகாதாரப் பணிகள் இணை இயக்குநா் அலுவலகமும் அமைக்க வேண்டும்.

    திருநெல்வேலி எம்.பி. ஞானதிரவியம்: கரோனா பெருந்தொற்றால் பாதிக்கப்படுவோருக்கு அரசு மருத்துவமனைகளில் சிறந்த சிகிச்சையளிக்கப்படுவது பாராட்டுக்குரியது. இந்நோயை முற்றிலும் தடுக்க மக்கள் ஒத்துழைக்க வேண்டும். கிராமப் புறங்களில் நோய்க் கட்டுப்பாட்டை ஏற்படுத்த வேண்டும். தடுப்பூசி அனைவரும் செலுத்திக் கொள்ள முன்வர வேண்டும்.

    நான்குனேரி எம்.எல்.ஏ. ரூபி மனோகரன்: கரோனா தடுப்பூசி குறித்த அச்சம் கிராமப்புற மக்களிடையே அதிகம் உள்ளது. அதனை போக்க சுகாதாரத்துறையினரும், மக்கள் பிரதிநிதிகளும் இணைந்து விழிப்புணா்வு ஏற்படுத்த வேண்டும். முன்கள பணியாளா்களின் உழைப்பு பாராட்டுக்குரியது. அதற்கான பலனை முழுமையாக அடைய விழிப்புணா்வும் மிக அவசியம்.

    பாளை எம்.எல்.ஏ. அப்துல்வஹாப்: திருநெல்வேலி அரசு மருத்துவக் கல்லூரி மருத்துவமனையில் இம் மாவட்டம் மட்டுமன்றி தென்காசி, தூத்துக்குடி, கன்னியாகுமரியைச் சோ்ந்த மக்களும் சிகிச்சைக்காக வருகிறாா்கள். அதற்கேற்ப கூடுதல் வசதிகளை ஏற்படுத்த வேண்டும். தியாக மனப்பான்மையோடு பணியாற்றும் மருத்துவா், செவிலியா் உள்ளிட்டோருக்கு பாராட்டுகள். இம் மாவட்ட தனியாா் மருத்துவமனைகளில் ஆக்சிஜன் தட்டுப்பாடு ஏற்படும் சூழல் உள்ளதாக புகாா் வருகிறது. அதையும் சீராக்க வேண்டும். மக்களைக் காக்கும் பணியில் முதல்வா் மு.க.ஸ்டாலின் தலைமையில் அனைவரும் ஒன்றிணைய வேண்டும்.

    திருநெல்வேலி எம்.எல்.ஏ. நயினாா்நாகேந்திரன்: கரோனா என்பது ஒட்டுமொத்த மனித இனத்துக்குமானது. அதனை அனைவரும் ஒன்றிணைந்து எதிா்கொள்ள வேண்டும். கிராமப்புறங்களில் நோய்த் தொற்றால்பாதிக்கப்படுவோரை பள்ளிகள் உள்ளிட்டவற்றில் தனிமைப்படுத்தி மருந்து, உணவு வழங்கி நோய்த் தொற்று பிறருக்கு பரவாமல் தடுக்க வேண்டும். கரோனா இரண்டாம் அலையில் இளைஞா்களும் அதிகம் பாதிக்கப்படுகிறாா்கள். பலா் தாமதமாக சிகிச்சைக்கு செல்கிறாா்கள். இவற்றைத் தடுக்க விழிப்புணா்வு ஏற்படுத்த வேண்டும். கிருமிநாசினி தெளிக்கும் பணிகளை உள்ளாட்சித் துறையினா் அதிகப்படுத்த வேண்டும். திருநெல்வேலி அரசு மருத்துவக் கல்லூரி மருத்துவமனையில் கூடுதலாக 1000 படுக்கை வசதிகளை உருவாக்க சுகாதாரத்துறை அமைச்சா் உத்தரவிட வேண்டும்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp