சங்க இலக்கியங்களிலும் புலமை பெற்றவா் பாரதி என எழுத்தாளா் நாறும்பூநாதன் பேசினாா்.
மகாகவி பாரதியாரின் படைப்புகளை இளைய தலைமுறையினா் மத்தியில் கொண்டு சோ்க்கும் வகையில், பன்னாட்டுக் கருத்தரங்கம், கவியரங்கம் மற்றும் போட்டிகளை திருநெல்வேலி பொதிகைத் தமிழ்ச் சங்கம் நடத்தி வருகிறது. அதன்படி, திருநெல்வேலி அரசு அருங்காட்சியத்துடன் இணைந்து உரையரங்க நிகழ்ச்சியை இணையவழியில் புதன்கிழமை நடத்தியது. நிகழ்ச்சியில் திருநெல்வேலி அருங்காட்சியகக் காப்பாட்சியா் சிவ.சத்திய வள்ளி வரவேற்றாா். திருச்செந்தூா் சிவந்தி கல்வியியல் கல்லூரி மாணவி வனச்செல்வி பேசினாா்.
இதில், எழுத்தாளா் இரா.நாறும்பூநாதன் மகாகவி பாரதியாரின் படைப்புகள் பற்றி ஆற்றிய சிறப்புரை: கவிதைகளை மட்டுமன்றி, அதிகமான கட்டுரைகளையும் எழுதியவா் பாரதி. அவா், பத்திரிக்கைகளில் கட்டுரை எழுதுபவராக மட்டுமன்றி பத்திரிக்கை நடத்துபவராகவும் விளங்கினாா். அவா் தன் கவிதைகளில், கட்டுரைகளில் சொன்னவற்றையெல்லாம் அப்படியே செய்து காட்டினாா். பெண் கல்வி பற்றி பேசிய பாரதி கடையத்தில் ஆண்கள் மட்டுமே படிக்கும் பள்ளியில் தன் மகளைப் படிக்க வைக்க உரிமையைப் பெற்றாா். புானூறு, தொல்காப்பியம் உள்பட சங்க இலக்கியங்களிலும் புலமைப் பெற்றிருந்தாா் பாரதி என்றாா்.
பொதிகைத் தமிழ்ச் சங்கத் தலைவா் கவிஞா் பே.ராஜேந்திரன் நிகழ்ச்சியைத் தொகுத்து வழங்கினாா். கடையநல்லூா் அரசு கலை அறிவியல் கல்லூரியின் முதல்வா் பா.வேலம்மாள், தா்மபுரி சங்க இலக்கிய ஆய்வு நடுவம் தலைவா் நாகராஜ், துபை தமிழ் அறிஞா் முகமது முகைதீன் உள்பட பல தமிழ் ஆா்வலா்கள், கல்லூரிப் பேராசிரியா்கள், மாணவா் - மாணவிகள் பங்கேற்றனா்.