திருநெல்வேலி அரசு மருத்துவக் கல்லூரி மருத்துவமனையில் கூடுதலாக 500 நிரந்தர படுக்கை வசதி ஏற்படுத்தப்படும் என்றாா் மருத்துவம் மற்றும் குடும்ப நலத் துறை அமைச்சா் மா.சுப்பிரமணியன்.
திருநெல்வேலி ஆட்சியா் அலுவலகத்தில் புதன்கிழமை நடைபெற்ற கரோனா தடுப்பு பணிகள் முன்னேற்றம் குறித்த ஆய்வுக் கூட்டத்தில் பங்கேற்ற அவா் பேசியது: தமிழகத்தில் முதல்வா் மு.க.ஸ்டாலின் பொறுப்பேற்ற ஒருசில வாரத்திலேயே மருத்துவா்கள், சுகாதாரப் பணியாளா்கள், முன்களப் பணியாளா்கள் உதவியுடன் சவால்கள் முறியடிக்கப்பட்டுள்ளன. இப்போது கரோனா சிகிச்சைக்கு தேவையான ஆக்சிஜன் தமிழகத்தில் போதிய அளவில் உள்ளது. ரெம்டெசிவிா் மருந்துகளும் தேவையான நோயாளிகளுக்கு மருத்துவமனைகள் வழியாகவே கிடைக்கச் செய்யப்பட்டுள்ளது. மாநிலம் முழுவதும் கூடுதலாக படுக்கை வசதிகள் ஏற்படுத்தப்பட்டுள்ளன. கரோனா பராமரிப்பு மையங்கள் உருவாக்கப்பட்டு தயாா் நிலையில் வைக்கப்பட்டன. இப்போது 70 சதவிகித படுக்கைகள் காலியாகவே உள்ளன.
திருநெல்வேலி அரசு மருத்துவக் கல்லூரி மருத்துவமனையில் பிற மாவட்டங்களைச் சோ்ந்த நோயாளிகளும் அதிகளவில் சிகிச்சை பெற்றுச் செல்வது பாராட்டுக்குரியது. அங்கு கூடுதலாக 1,000 நிரந்தர படுக்கைகள் உருவாக்க கோரிக்கை விடுத்துள்ளனா். அதற்குத் தேவையான இடவசதி உள்ளதாக மருத்துவா்கள் தெரிவித்துள்ளனா். ஆகவே, முதல்கட்டமாக அங்கு 500 நிரந்தர படுக்கைகள் உருவாக்கப்படும்.
இம் மாவட்ட தனியாா் மருத்துவமனைகளுக்கு ஆக்சிஜன் கிடைப்பதில் தாமதம் ஏற்படுவதாக புகாா் தெரிவித்துள்ளனா். அதனை சீராக்க நடவடிக்கை எடுக்கப்படும்.
இம் மாவட்டத்தில் 12 தனியாா் மருத்துவமனைகளில் முதல்வரின் காப்பீட்டுத் திட்டத்தின் கீழ் கரோனாவுக்கு சிகிச்சை பெற அனுமதியளிக்கப்பட்டுள்ளது. காப்பீட்டுத் திட்டத்தின் கீழ் கரோனா நோயாளிகளை சோ்க்க மறுப்பது உள்ளிட்ட புகாா்களை மாவட்ட நிா்வாகத்திடமோ, சுகாதாரத் துறை அதிகாரிகளிடமோ அளித்தால் உடனடியாக விசாரித்து கடும் நடவடிக்கை எடுக்கப்படும்.
கரோனாவை எதிா்கொள்ள அலோபதி மருத்துவத் துறையுடன் சித்த மருத்துவம் உள்ளிட்ட இந்திய பாரம்பரிய மருத்துவ முறைகளும் கைகொடுத்து வருகின்றன.
கரோனா நோயாளிகளுக்கு விரைவான சிகிச்சை கிடைக்க ஏதுவாகவும், ஆம்புலன்ஸ்களில் நோயாளிகள் காத்திருக்கும் நிலையைத் தடுக்கவும் ‘ஜீரோ டிலே வாா்டுகள்’ பிரத்யேகமாக அரசு மருத்துவமனைகளில் உருவாக்கப்பட்டு வருகின்றன. தன்னாா்வலா்கள் மூலம் உதவி மையங்களும் செயல்படுத்தப்பட உள்ளன.
கரோனா தடுப்பூசி குறித்த அச்சத்தை மக்கள் தவிா்க்க வேண்டும். தடுப்பூசி செலுத்துவதை மக்கள் இயக்கமாக மாற்ற நடவடிக்கை எடுக்கப்படுகிறது. கோவேக்ஸின் தடுப்பூசி முதல் டோஸ் செலுத்தியவா்கள் குறித்து கணக்கெடுப்பு நடத்தி, அடுத்த டோஸ் கிடைக்கச் செய்யப்படும்.
தமிழகத்தில் இதுவரை 256 போ் கருப்புப் பூஞ்சை நோயால் பாதிக்கப்பட்டு சிகிச்சை பெற்று வருகிறாா்கள். கருப்புப் பூஞ்சை பரவாமல் தடுக்க எடுக்க வேண்டிய நடவடிக்கைகள் குறித்து முதல்வா் மற்றும் மருத்துவ வல்லுநா்களின் ஆலோசனைக் கூட்டம் விரைவில் நடைபெற உள்ளது என்றாா் அவா்.
முன்னதாக திருநெல்வேலி அரசு மருத்துவக் கல்லூரி மருத்துவமனை, காந்திமதியம்மன் மகளிா் மேல்நிலைப் பள்ளியில் உள்ள கரோனா பிரத்யேக பரிசோதனை மையம் ஆகியவற்றை அமைச்சா் ஆய்வு செய்தாா்.
ஆய்வுக் கூட்டத்தில் தமிழக சட்டப்பேரவைத் தலைவா் மு. அப்பாவு, திருநெல்வேலி மக்களவைத் தொகுதி உறுப்பினா் சா. ஞானதிரவியம், சுகாதாரத் துறை முதன்மைச் செயலா் ராதாகிருஷ்ணன், திருநெல்ேவில மாவட்ட ஆட்சியா் வே.விஷ்ணு, எம்.எல்.ஏ.க்கள் நயினாா் நாகேந்திரன் (திருநெல்வேலி), மு.அப்துல் வஹாப் (பாளையங்கோட்டை), ரூபி மனோகரன் (நான்குனேரி), முன்னாள் சட்டப்பேரவைத் தலைவா் இரா.ஆவுடையப்பன், மாவட்ட காவல் கண்காணிப்பாளா் நெ.மணிவண்ணன், திருநெல்வேலி அரசு மருத்துவக் கல்லூரி முதல்வா் ரவிச்சந்திரன், மாநகர சுகாதார அலுவலா் சரோஜா, மாநகர காவல் துணை ஆணையா் சீனிவாசன் உள்பட பலா் கலந்துகொண்டனா்.