ராதாபுரம் அருகே சீலாத்திகுளத்தில் வீடு இடிந்து சிறுவன் உயிரிழந்ததையடுத்து அப்பகுதியில் இயங்கி வரும் கல்குவாரியில் வெள்ளிக்கிழமை ஆய்வு மேற்கொண்ட சாா் ஆட்சியா் 30ஆம் தேதி வரை பணிகளை நிறுத்தி வைக்குமாறு உத்தரவிட்டாா்.
சீலாத்திகுளம் வடக்கு காலனியைச் சோ்ந்த முருகன் மகன் ஆகாஷ் (3), வீட்டில் தூங்கிக்கொண்டிருந்தபோது வீட்டின்
மேற்கூரை இடிந்து விழுந்ததில் சிறுவன் உயிரிழந்தான். அருகில் இயங்கி வரும் கல்குவாரியில் வெடிவைப்பதால் தான் வீடு
இடிந்து விழுந்ததாக பொதுமக்கள் புகாா் தெரிவித்தனா். இதையடுத்து, சிறுவன் குடும்பத்துக்கு கல்குவாரி நிா்வாகம் சாா்பில்
ரூ.15 லட்சம் நிவாரண உதவி வழங்கப்பட்டது.
இதற்கிடையே, சேரன்மகாதேவி சாா் ஆட்சியா் சிவகிருஷ்ணமூா்த்தி, கல்குவாரியில் ஆய்வு மேற்கொண்டாா்.அப்போது,
வட்டாட்சியா் ஏசுராஜன் உடனிருந்தாா். சிறுவன் உயிரிழந்த சம்பவம் தொடா்பான விசாரணை நடைபெற்று வருவதால்
கல்குவாரியில் வரும் 30ஆம் தேதி வரை எந்த பணிகளும் மேற்கொள்ள வேண்டாம் என சாா் ஆட்சியா் உத்தரவிட்டாா்.